அருவினை  அறுக்கும்  ஆரிய  -  உயிர்களைப் பற்றி  வருத்தும்
அரிய    வினைகளை   அழித்துக்  காக்கும்  மேலோனே!;  காதலால்
கண்டவர்   -   (இந்தத்  தூய்மையான  இடத்தை)  காதல்   கொண்டு
காண்பவர்கள்;   பிறவி    காண்குறார்    -    பிறவி    நோயைக்
காணமாட்டார்கள்; ஆதலால். வேதநூல் முறைமையால் -  ஆதலாலே.
வேதநூல்களில் கூறியமுறைப்படி; வேள்வி முற்றுவேற்கு -  வேள்வியை
நடத்த   நினைத்திருக்கும்  எனக்கு;  இருக்கற்பாலது  -   வீற்றிருந்து
செய்யத்தக்க   இடம்;  ஈது  அலாது  வேறு  இல்லை  -  இவ்விடம்
அல்லாது வேறில்லை.  

ஈது   அலாது  வேறு  இல்லை.  இவ்விடம்  அல்லாது  வேறில்லை.
‘ஆதலால்  அருவினை  அறுக்கும்’ என்று  கொண்டு. திருமால் இருந்த
இடமாதலால்  தீவினைகளை  அழிக்கவல்லதிது   எனக் கூறினும்  ஆம்
‘அருவினை’   கடத்தற்கரிய  வினைகளாம்.   காதல்:  அன்பு   (பக்தி).
வேதநூல்:   வேதமும்  நூல்களும்  (உம்மைத்   தொகை).   முற்றுதல்:
நிறைவேறச்   செய்தல்.   முற்றுவேன்:    வினையாலணையும்   பெயர்.
இருக்கல்:  இருத்தல்.  பால்:  தன்மை.  ஏ:   அசை.  வேள்வி:  யாகம்.
வேள்வி  செய்ய  ஏற்ற  இடமிதுவே என  முனிவன்  கூறினானென்பது
கருத்து.
   

ஈண்டு  இருந்து   இயற்றுவன்   யாகம்   யான்   எனா    -
இவ்விடத்திலிருந்து   நான்   வேள்வியைச்  செய்வேன்  என்று; நீண்ட
பூம்பழுவத்து  - நீண்ட. மலர்  நிறைந்த அச்சோலையிடத்து; நெறியின்
எய்தி  -  முறையாகச்  சென்று;  பின்  வேண்டுவ  கொண்டு - பின்
வேள்விக்குரியன  சேகரித்துக்கொண்டு;   காண்   தகு   குமரரை  -
அழகுடைய   அரசிளங்குமரர்களாகிய   இராம  இலக்குவர்களை. காவல்
ஏவி  .  காவல் புரியுமாறு கட்டளையிட்டு; தன் வேள்வி மேவினான் -
தனது வேள்வியைத் தொடங்கினான்.