558.

நிக்கமின்றி - நீங்குதல் இல்லாமல்; நிமிர்ந்த - (எங்கும்) பரவிய;
நிலாக்கதிர் - கந்திரனின் ஒளிக்கதிர்; தாக்க - தாக்குவதால்; வெந்து
- (சீதை) உடல் வெதும்பி; தளர்ந்து - (மனம்) தளர்ந்து; சரிந்தனள்-
கீழே விழுந்தாள்; சேக்கை  ஆகி  -  (முன்பு  அவளுக்கு) தங்கும்
இடமாகி; மலர்ந்த - விரிந்த; செந்தாமரைப் பூக்கள் - செந்தாமரை
மலர்கள்  (இரவில்  அச்சீதைக்குப் படுக்கை மெத்தையாய்); பட்டது -
அவள்   புரண்டபோது  அவளது   காமச்   சூட்டினால்  அடைந்த
நிலைமகளை;  அப்  பூவையும்  -  அச்  சீதையும்;  பட்டனள்  -
அடையலானாள்;

முன்பு     சீதைக்குத்  தங்கும்  இடமாகி  மலர்ந்த  செந்தாமரை
இப்பொழுது   பள்ளியணையாய்க்  காமவேதனையால்  புரண்டபோது
துன்பம்  தந்தது  என்க.   தாமரைப்  பூக்கள் பட்ட தன்மை: கூம்பிச்
சாம்பிப் பொலிவிழந்து வாடி  ஒடுங்கியமை. பூவை: உவமையாகுபெயர்.
                                                       79
   

மென்முலை   - மென்மையான தனங்களையுடைய சீதை; வாசம்
மெல் -  மணமும் மென்மையும்  வாய்ந்த; கலவைக்களி - கலவைச்
சந்தனக்குழம்பை; வாரி  - அள்ளிக்கொண்டு; மேல்  பூசப்  பூச -
(தோழிமார்) தன்னுடலில் பூசுந்தோறும்; புலர்ந்து - உடம்பு வெதும்பி;
புழுங்கினள் - தவித்தாள்; வீச வீச வெதும்பினள் - (ஆல வட்டம்
முதலியவற்றால்)  வீசுந்தோறும் (சீதை) வெப்பம் அடைந்தாள்; ஆசை
நோய்க்கு  -  காம  நோயைத்  தீர்க்க;  மருந்தும்   உண்டாம் -
கொல் மருந்தும் உலகில் உண்டோ?  

காம     வேதனையால் வாடும் சீதையின் வெப்பத்தைத் தணிக்கத்
தோழியர்  செய்யும் பரிகாரம் யாவும் அவளுக்கு மேலும் வெப்பத்தை
வளர்த்தன  என்பதாம்.  ஆசை  நோய்க்கு  வேறு பரிகாரம் இல்லை:
‘மருந்து பிறிதில்லை