விசுவாமித்திரர் முதலிய மூவரும் சனகன் எதிர்கொள்ளச்  சென்று
                                      மாளிகையில்  தங்குதல்
 

562.

அனைவரும்   - (விசுவாமித்திரன் முதலிய) அம்மூவரும்; ஏகி -
அரசனது  அரண்மனைக்குள்  சென்று;  மன்னனை  - சனகராசனை;
கண்டு   -   பார்த்து;   அவன்   -  அவ்வரசன்;  ஓகையோடும்
- மகிழ்ச்சியுடன்; எதிர்கொண்டு - எதிரில் வந்து உபசரித்து; இனிது
- இனிமையாக;  கொண்டு -  அழைத்துக்கொண்டு  போய்;  போக
பூமியில் -    (அதன்பின்)    இன்ப    பூமியான;   பொன்  நகர்
அன்னது   - அமராவதியில் உள்ள ஆடக மாடம்  போலச்  சிறந்த;
ஓர்  மாக மாடத்து   -   ஒரு   வான்   அளாவிய  மாளிகையில்;
உய்த்திட  -சேர்ப்பிக்க; வைகினார் - (அங்கே) தங்கினார்கள்.

பொன்னகர் - பொன்மயமான மாளிகை; ஆடகமாடம் என்பர்.  83

                     சதானந்த முனிவர் வந்து முகமன் உரைத்தல்
 

தீது    அறு  -   குற்றம்   இல்லாத;    மொய்கொள்   வீரன்
- வலிமையுள்ள  வீரனான   இராமனது;  முளரி  அம்  தாளினால்
- செந்தாமரை போலும்   திருவடித்  துகளால்;  மெய்கொள்  மங்கை
- பழைய உண்மை வடிவம் அடைந்த  அகலிகை; அருள்-பெற்றருளிய;
முனி - சதானந்த முனிவன்; வைகும் அவ்வழி -  அவர்கள் தங்கிய
மாளிகையிடத்தில்; மாதவம் யாவும் - பெருந்தவங்கள்  எல்லாம்;  ஓர்
செய்கை கொண்டு - சீலமாகிய ஓர் உருவம் கொண்டு;  நடந்து  என
- நடந்து வந்தது போல; மேவினான் - வந்தான்.

கௌதம    முனிவனுக்கும்  அகலிகைக்கும்   பிறந்தவன்  சதானந்த
முனிவன்.  அவன்   விசுவாமித்திரன்  முதலியோர்  வருகையை யறிந்து
அவர்கள்  தங்கிய   மாளிகைக்குச்  சென்றான்.  இவன் சனக அரசனது
புரோகிதன். செய்கை - சீலம். ஒழுக்கம்.                        84