:: TVU ::

மிதிலைக் காட்சிப் படலம்

365

விப்பவன். கொன்: அச்சம் (தொல் இடை -6) யானோ: ஒ-இழிவு சிறப்பு. உருவக அணி. 96 விசுவாமித்திரன் சுரபியைப் பற்ற அதன் மேனியிலிருந்து வெளிவந்த விரர் பொருதல்
576.	‘’பணித்தது புரிவென்’’ என்னா. பார்த்திபன் எழுந்து. பொங்கி. பிணித்தனன் சுரபிதன்னை; பெயர்வுழி. பிணியை வீட்டி. ‘’மணித் தடந் தோளினார்க்குக் கொடுத்தியோ. மறைகள் யாவும் கணித்த எம் பெரும?’’ என்ன. கலை மறை முனிவன் சொல்வான்:
(அது கேட்டு) பார்த்திபன் - கௌசிக மன்னவன்; பணித்தது புரிவென் - முனிவன் சொன்ன. மொழிப்படியே செய்வேன்; என்னா - என்று; எழுந்து பொங்கி - உற்சாகத்தோடு எழுந்து; சுரபிதன்னை - அந்தக் காமதேனுவை; பிணித்தனன் - பிணித்துக் கொண்டு; பெயர்வுழி - புறப்படும் பொழுது; பிணியை வீட்டி - (அந்தப் பசு) கட்டை அறுத்துக் கொண்டு. வசிட்டனை நோக்கி; மறைகள் யாவும் - வேதங்களை எல்லாம்; கணித்த எம்பெரும - ஆராய்ந்து அளவிட்டு அறிந்த எம்பெருமானே; மணித்தடம் தோளினாற்கு - அழகிய தோள்களையுடைய விசுவாமித்திரனுக்கு; கொடுத்தியோ - என்னை அளித்து விட்டாயோ; என்ன - என்று கேட்க; கலை மறை முனிவன் - தருமநூல் முதலிய கலைகளையும் வேதங்களையும் அறிந்த வசிட்டன்; சொல்வான் - விடை கூறுபவன் ஆனான். வீட்டுதல்: விடுவித்தல் மணி: கருவியாகு பெயர் (இரத்தின அணிகள்) வேதம் வல்ல அந்தணன் அரசனுக்குக் கோதானம் புரிதல் தகாது என்பது புலப்பட நின்றது. 97
577.	‘’கொடுத்திலென். யானே; மற்று இக் குடைகெழு வேந்தன்தானே பிடித்து அகல்வுற்றது” என்ன. பெருஞ் சினம் கதுவும் நெஞ்சோடு. ‘’இடித்து எழு முரச வேந்தன் சேனையை யானே இன்று முடிக்குவென். காண்டி’’ என்னா. மொய்ம் மயிர் சிலிர்த்தது அன்றே.