திசைப்  பாலகர்களில்  வலிமையுள்ளவனான; யமன்  திசை தன்னை
- யமனது திசையை; உற்றான் - அடைந்தான் (கௌசிகன்).
   

தனது  தவம் குலையக் காரணமான திலோத்தமையைச் சபித்த பின்
கௌசிகன்   தவம்  செய்யத்  தென்திசை   சென்றான்.  தென்திசைப்
பாலகன்  -  இயமன். ‘கூற்றத் தன்ன மாற்றரு முன்பின் - (புறம் 362)
எண்மரில் இயமன் வலியன் என்பது பெறப்படும்.               107
 
                      திரிசங்கு வசிட்டனை அணுகிப் பெற்ற சாபம்
 

(இவ்வாறு     கௌசிகன்) தென்திசை அதனை - தெற்குத் திக்கை;
நண்ணி -  அடைந்து;  செய்தவம்  செய்யும்  செவ்வி  -  செய்ய
வேண்டிய  தவத்தை  நடத்தும்   பொழுது;  வன்திறல்  அயோத்தி
வாழும்  -    அயோத்தி   நகரில்  வாழுகின்ற  மிக்க   வலியனான;
மன்னவன் திரிசங்கு என்பான்  -  திரிசங்கு  என்னும்  மன்னவன்;
தன்  துணைக்   குருவை  நண்ணி  -  தனக்குத்  துணை  நிற்கும்
குலகுருவான  வசிட்டனிடம் சென்று;  தனுவொடும்  துறக்கம்  எய்த
- இந்தப்  பூத உடம்போடு சுவர்க்கம்  அடையும்படி; இன்று  எனக்கு
அருளுக  -  இப்போது எனக்கு   அருள்  செய்வாயாக;  என்ன  -
என்று  வேண்ட;  யான் - (வசிட்டன்)  நான்; அது  அறிந்திலன் -
இந்த உடலோடு துறக்கம்  செலுத்தவல்ல   செயலை  அறிய வில்லை;
என்றான் - என்று (அவன் வேண்டுகோளை) மறுத்துக் கூறினான்.
   

திரிசங்கு:    இவனது இயற்பெயர் சத்தியவிரதன். இவ்வேந்தன் தன்
தந்தை   சொல்லையும்   மீறி  மறையவர்  கன்னியைக்   கவர்ந்தான்;
குருவான  வசிட்டனது  பசுவைக்  கொன்றான்;  நீர் தெளித்துப் புனித
மாக்கப்படாத          ஊனை        உண்டான்.       இம்மூன்று
குற்றங்களையுடையவனாதலால்  ‘திரிசங்கு’  எனப்   பெயர் பெற்றான்.
இவனே அரிச்சந்திரன் தந்தை என்பர்.                       108