கானிடை  -  வனத்திலே;     சிறிது  வைகல்    கழித்து  - 
சில நாட்களைப்  போக்கி;   ஓர்  நாள் -  ஒரு நாள்;  கௌசிகன்
பேர் கோன்  -  கௌசிகன்  என்ற   நாமம்  பெற்ற   இவ்வரசன்;
இனிது உறையும் -   இனிதாகத்   (தவம்     செய்வது)   வசிக்கிற;  
சோலை குறுகினன்  - சோலையைத் (திரிசங்கு  நாடிச்)  சேர்ந்தான்;
குறுக - அணுகிய     அளவில்;   அன்னான்  -   அக்கௌசிகன்;  
ஈனன்  நீ யாவன்   -  சண்டாளனான  நீ யார்; இவ்  இடையின்
நேர்ந்தது என்னை - இந்த  இடத்திற்கு  வந்ததன் காரணம் என்ன;
என்ன - என்று   வினவ;  வேந்தன்  -  திரிசங்கு;   வணங்கி -
(கௌசிகனை) வணங்கி; மேல் நிகழ்  பொருள்கள்  - முன் நடந்த 
செய்திகள்; எல்லாம் விளம்பினன் - அனைத்தையும் சொன்னான்.  

வசிட்டனுக்குப் பகைவன் விசுவாமித்திரன் என்று கருதித் திரிசங்கு
அவ்  விசுவாமித்திரனை  அடைந்தான்.  மேல்  நிகழ்  பொருள்கள்:
வசிட்ட சாபம் முதலியன.                                  112

                                     கௌசிகன் வேள்விசெய்து.
                               திரிசங்குவை வானுலகு ஏற்றுதல்
 

அன்னான்     -  அதுகேட்ட  கோசிகன்;  இற்றதோ  என  -
இவ்வளவுதானா என்று இகழ்ச்சியாகச் சொல்லி; நக்கு - சிரித்து; யான்
இருவேள்வி -  நான் பெரியதொரு வேள்வியை; முற்றி - (உனக்காக)
செய்து  முடித்து; உலகு அளிப்பென்  என்னா - வான் உலகத்தைத்
(இந்த  உம்பொடு  அடைய)  தந்திடுவேன்  என்று சொல்லி; மாதவர்
தம்மைக் கூவ -  மாதவ  முனிவர்களை அழைக்க; சுற்றுறு முனிவர்
யாரும்  -  சுற்றுப்  பக்கங்களில்  உள்ள  அம்முனிவர் அனைவரும்;
தொக்கனர் -  (அங்கே  வந்து) கூடினார்கள் (அப்போது); வசிட்டன்
மைந்தர் - வசிட்ட  குமாரர்கள்;  அரசன்  புலையற்கு  -  அரசன்
ஒருவன்  சண்டாளன் ஒருவனுக்காக;  கனல்துறை  -  அக்கினியிலே;
வேள்வி -  வேள்வியை; ஈவான் - முடித்துத் தருவதை; கற்றிலம் -
(நாங்கள் எந்த நூலிலும்) படித்து அறிந்தோம் இல்லை.