உன்    உயிர்க்கும்; ஈறு உண்டாகா - இறுதி உண்டாகாது; என்ன -
என்று (தன்  மருமகனிடம்)  சொல்ல;  பழிச்சொடும் - (அது கேட்டு
அவன்) வணங்கித் துதிமொழிகள் கூறியவனாக; பெயர்ந்து போனான்
- (அவ்விடத்தை விட்டு) நீங்கி அரசனோடு சென்றான்.
   

அணைக்குபு:     அணைக்க; அரசன் முனி மைந்தனைச் சந்தனம்.
மாலை   முதலியவற்றால்  அலங்கரித்து  நரமேத்திற்காக  அழைத்துச்
சென்றானாதலால் கோசிகன் அவைனைப் ‘பிரசம் மென் தாரோய்’ என
விளித்தான்.   யூபம்:   யாகப்   பசுவைக்  கட்டும்  தூண்.  இரண்டு
மந்திரங்கள்  1.  பலியை  உண்பவனாகிய  இந்திரனைத் துதிப்பது. 2.
யூபத் தூணின் தேவதையான உபேந்திரனைத் துதிப்பது.          128

                   வேள்வி முற்றலும் கௌசிகன் வடதிசை ஏகலும்
 

608.

மறைமுனி        -   வேதங்களையறிந்த   கோசிக   முனிவன்;
உரைத்தவண்ணம் -  கூறியபடியே;  மைந்தன்  -  அந்தக் குமாரன்;
மகத்து  உரை-   யாகம்   செய்யும்  இடத்தில்  (தியானிக்க);  சிறை
உறுகலுழன்  -   வலிமையான  சிறகுள்ள  கருடனும்;  அன்னம்  -
அன்னமும்;  சே -  காளையும்;  முதல்  பிறவும்  -  முதலிய  பிற
ஊர்திகளையும்;  ஊரும்  -  ஏறி  நடத்தும்;  இறைவர்  - (திருமால்.
பிரமன்.  சிவன்  முதலிய)  தலைமைத்  தேவர்கள்;  அமரர்  சூழ -
மற்றைத்  தேவர்கள்  தம்மைச்  சூழ்ந்து  வரும்படி; தொக்கு - (அவ்
வேள்விச்  சாலைக்கு) திரண்டு  வந்து; இளவல்தன் உயிரும் - அந்த
இளைஞனது  உயிரையும்;  முறைதரு - வேதமுறைப்படி செய்யப்படும்;
வேந்தன்   மகமும்  -   அவ்வரசனது  யாகத்தையும்;  காத்தார் -
(அழியாதவாறு)   பாதுகாத்தார்;   முனியும்  -  கோசிக  முனிவனும்;
வடதிசை சென்றான் - (மேற்குத் திசையில் தனது தவம் முடியாததால்)
வடதிசை நோக்கி போனான்.
   

ஊர்திகள்; இந்திரனுக்கு    -   வெள்ளை   யானை.   அக்கினிக்
கடவுளுக்கு - ஆட்டுக்கடா. இயமனுக்கு - எருமைக்கடா.         129