ஒன்று     அறியேன்-  (என் கண்ணிற்குப்  புலப்படுகின்ற) இந்தப்
பெண்  வடிவம்  கொண்டு வந்தது வேறு அன்று என்று  சொல்வதற்கு
இல்லை   (ஏனென்றால்);   கண்ணினுள்ளும்  -  (இந்த  வடிவத்தை)
கண்களிலும்;  கருத்துளும்  -  மனத்துள்ளும்; காண்பென்  - (நான்)
காண்கிறேன்.
   

சீதையின்     உருவம்  அடுத்தடுத்துத்  தோன்றியும்   மறைந்தும்
நிகழ்வதற்கு   மின்னல்   உருவம்   ஏற்புடைத்தால்  அறியத்  தகும்.
புறக்கண்ணாலும்    அகக்கண்ணாலும்   காண்கின்றேன்   என்பதைக்
கண்ணினுள்ளும்     கருத்துளும்    காண்பேன்   எனக்   குறித்தார்.
காண்பென்: கால வழுவமைதி.                               140
   

வள்ளல்     சேக்கை- வரையாது கொடுக்கும் தன்மை கொண்ட
(ஆதிசேடனை)  படுக்கையாகக் கொண்ட; கரியவன் - கரிய நிறமுள்ள
திருமால்; வைகுறும் - பள்ளி கொள்ளும்; வெள்ளம் - வெள்ளமாகிய;
பாற்கடல்போல் - திருப்பாற்கடலைப்போல;  மிளிர் - விளங்குகின்ற;
கண்ணினாள்  கண்களையுடைய பெண்; எனது உள்ளத் தாமரையுள்
-   என்  இதயமாகிய  தாமரையில்;  உரைகின்றதால் -  வசிக்கின்ற
காரணத்தால்;  அள்ளல்பூமகல்  -  செந்தாமரை மலரில் (எப்போதும்)
வாழ்கின்ற திருமகள்; ஆகும் கொலோ - ஆவாளோ?
   

பாற்கடலில்  பாம்புப் படுக்கையில் பள்ளி கொண்டருளும் திருமால்
-  வெண்ணிறமுள்ள  கண்ணின்  கருநிறக்  கண்மணியில்  தோன்றும்
பாவை.  திருமாலின்  திருமேனி  நிறச் சிறப்பால் கறுத்துத்  தோன்றும்
சேடனாகிய  பாம்பு  -  பாவையைத்  தன்னுள்ளே    கொண்டிருக்கும்
கருவிழி.   பாற்கடல்   வெள்ளம்   -   கருமணியைச்    சூழ்ந்துள்ள
வெண்ணிறப் பரப்பு.                                       141
   

அருள்    இலாள்  எனினும்  -  (அவள்  என்னிடம்)  கருணை
இல்லாதவள்   ஆயினும்;  மனத்து  ஆசையால்  -  என்  மனத்தின்
(அவளிடம் உண்டான) காதலால்; வெருளும் நோய்விட - கலக்கத்தை
உண்டாக்கும்  காம  நோய்  நீங்குமாறு; கண்ணின் - தன் கண்களால்;
விழுங்கலால் -  (அவள்  என்னை)  உட்கொண்டதால்; தெருள் இலா
உலகில் -தெளிவில்லாத இவ்வுலகிலே; சென்று நின்று - அசைவனவும்
இயங்கா  தனவுமாகியும;  வாழ்  பொருள் எலாம் - வாழ்கிற எல்லாப்
பொருள்