:: TVU ::

கார்முகப் படலம்

433

681.	‘இரும்பு அனைய கரு நெடுங் கோட்டு இணை ஏற்றின் பணை ஏற்ற பெரும் பியலில் பளிக்கு நுகம் பிணைத்து. அதனோடு அணைத்து ஈர்க்கும் வரம்பு இல் மணிப் பொன் - கலப்பை வயிரத்தின் கொழு மடுத்திட்டு உரம் பொரு இல் நிலம். வேள்விக்கு. அலகு இல் பல சால் உழுதேம்.
வேள்விக்கு - வேள்வி செய்யும் பொருட்டு; இரும்பு அனைய - இரும்பை ஒத்த (வலிய); கரு நெடு - பெரிய நீண்ட; இணைக் கோட்டு - இரு கொம்புகளையுடைய; ஏற்றின் - காளையின்; பணை ஏற்ற பெரும் பியலில் - பருத்த பெரும் பிடரியின் மேல்; பளிங்கு நுகம் பிணைத்து - பளிங்கால் இழைத்த நுகத்தடியைப் பூட்டி; அதனோடு அணைத்து - அதனோடு சேர்க்கப்பட்டு; ஈர்க்கும் - இழுத்துக்கொண்டு போகப்படுகின்ற; வரம்பு இல் மணி - எண்ணற்ற இரத்தினங்கள் பதித்த; பொன் கலப்பை- பொன் கலப்பையில்; வயிரத்தின் கொழு - வயிரத்தால் ஆகிய கொழுவை; மடுத்திட்டு - சேர்த்து; உரம் பொருவு இல் - உரவளத்தில் ஒப்பு இல்லாத; நிலம் - பூமியை; அலகு இல் பல சால் - அளவற்ற பல சால்கள்; உழுதேம் - (பன்முறை) நாங்கள் உழலானோம். வேள்வி செய்வதற்காக நிலத்தை உழுத பாங்கு இதிற் சொல்லப்படுகிறது. சால்: வயலில் ஒரு முறை நீள உழுதல். 16
682.	‘உழுகின்ற கொழு முகத்தின். உதிக்கின்ற கதிரின் ஒளி பொழிகின்ற. புவி மடந்தை திரு வெளிப்பட்டென. புணரி எழுகின்ற தெள் அமுதோடு எழுந்தவளும். இழிந்து ஒதுங்கித் தொழுகின்ற நல் நலத்துப் பெண் அரசி தோன்றினாள்.
உழுகின்ற - (அவ்வாறு) உழுது வந்த; கொழு முகத்தின் - கொழுவின் முனையில்; உதிக்கின்ற கதிரின் ஒளி - உதிக்கும் கதிரவனின் ஒளியை; பொழிகின்ற - வீசுகின்ற; புவி மடந்தை திரு - பூமி தேவியின் திருவுருவம்; வெளிப்பட்டென - வெளிப்பட்டாற் போல; புணரி எழுகின்ற- பாற்கடலில் தோன்றிய; தெள் அமுதோடு- தெள்ளிய அமுதுடன்; எழுந்தவளும் - பிறந்த இலக்குமியும்;