முகப்பு
பக்கம் எண் : தொடக்கம்

440பால காண்டம்  

என்ற)   மூன்று  உட்பகைகளையும்  வென்ற  முனிவர்;  ஆசிகள்  -
(இராமனுக்கு) வாழ்த்துக்களை; மொழிந்தனர் - கூறினார்கள்.  

முனிவனது     குறிப்பு தன் வீரத்தைத் தூண்டியதும் அந்த வில்லை
நோக்கிய  இராமன்  உடனே எழுந்தான் என்பது. வேள்வி   நெருப்பில்
ஒருசேரப்   பொழியப்பெற்ற   நெய்யின்  ஆகுதி.    இராமனது  வீரக்
கனலைத்   தூண்டிய   முனிவரது   குறிப்பு   நோக்கத்திற்கு  ? ஏற்ற
உவமையாயிற்று.  ‘நெய்பெய்  தீயின்   எதிர்கொண்டு’  -  குறுந்.  106.
 வேள்விக் கனல் உவமையால் தூய்மையும்  நன்மையும் தொனிக்கும்.26

                         மங்கையரின் மனநிலையும் வாய்மொழியும்
  

692.தூய தவங்கள் தொடங்கிய தொல்லோன்
ஏயவன் வல் வில் இறுப்பதன் முன்னம்.
சேயிழை மங்கையர் சிந்தைதொறு எய்யா.
ஆயிரம் வில்லை அனங்கன் இறுத்தான்.
   

தூய தவங்கள்- புனிதமான தவங்களை;தொடங்கிய தொல்லோன்
-  தொடங்கி  முடித்த பழையவனான கோசிக முனிவனால்;  ஏயவன் -
ஏவப்பெற்ற  இராமன்;  வல்வில் இறுப்பதன் முன்னம் - அந்த வலிய
வில்லைக்  (கையில்  எடுத்து  முறிப்பதற்கு   முன்பே;  அனங்கன்  -
மன்மதன்;   சேயிழை   மங்கையர்  -  செவ்விய  அணிகள்  பூண்ட
பெண்களின்;   சிந்தை  தொறு  எய்யா  -  மனம்  தோறும்  (மலர்
அம்புகளை)   எய்து;   ஆயிரம்   வில்லை  -  மிகப்பல  விற்களை;
இறுத்தான் - முறித்தான்.

இராமன்     சிவதனுசைக் கையில் எடுக்கச்   சென்றபோது பார்த்த
மங்கையர்  பலரும்  காமதேவனின்  மலர்க்    கணைக்கு இலக்காயினர்
என்பது.

தொடங்கிய     பெருந் தவங்களை விடாது செய்து   முடித்து முழு
வெற்றியும்  பெற்ற  முதியோன் ஆதலின் ‘தூய  தவங்கள்  தொடங்கிய
தொல்லோன்’ என்றார்.                                      27
 

693.‘காணும் நெடுஞ் சிலை கால் வலிது’ என்பார்;
‘நாணுடை நங்கை நலம் கிளர் செங் கேழ்ப்
பாணி. இவன் படர் செங் கை படாதேல்.
வாள் நுதல் மங்கையும் வாழ்வு இலள்’ என்பார்.
   

(சில     மாதர்) காணும் - காணப்படுகின்ற; நெடுஞ்சிலை - நீண்ட
இந்த  வில்;  கால் வலிது  என்பார் - அடிப் பகுதி வலிமையுடையது
என்றுசொல்வார்கள்;   நாண்  உடை   நங்கை   -   (சில   மாதர்)
நாணத்தையுடைய   சீதையின்;   நலம்கிளர்   -  அழகு  விளங்கும்;
செங்கேழ்ப் பாணி - சிவந்த கையில்; இவன் படர் செங்கை - இந்த
முன் பக்கம் மேல் அடுத்த பக்கம்