:: TVU ::

கார்முகப் படலம்

443

தோகையர் - மயிலைப் போன்ற மகளிர்; இன்னன சொல்லிட - இவை போன்றவற்றைச் சொல்லிக்கொண்டிருக்கும்போது; நல்லோர் - நல்லோரான முனிவர்கள்; ஓகை விளம்பிட - நல்வாழ்த்துக்கள் கூறவும்; மாகம் அடங்கலும் - வானுலகம் முழுவதிலுமாக; உம்பர் உவப்ப - தேவர்கள் மகிழ்ச்சியடையவும்; மால் விடையும் - (இராமன்) பெரிய காளையும்; பொன் நாகமும் - பொன் மலையான மேருவும்; நாகமும் நாண - யானையும் வெட்கம் அடையுமாறு; நடந்தான் - (வில் இருக்கும் இடம்) சென்றான். இராமன் நடக்கும்போது அவனது பெருந்தோற்றம் கண்டு மேருமலையும். இவனைப் போல மிடுக்கோடு நடக்க முடியாமை பற்றிக் காளையும் யானையும் நாணின என்பது. நாகம்- மலை. யானை. 32
698.	ஆடக மால் வரை அன்னதுதன்னை. ‘தேட அரு மா மணி. சீதை எனும் பொன் சூடக வால் வளை. சூட்டிட நீட்டும் ஏடு அவிழ் மாலை இது’ என்ன. எடுத்தான்.
மால்ஆடகம் வரை- பெரிய பொன் மலையை; அன்னது தன்னை - ஒத்தாகிய அச்சிவ வில்லை; தேட அரு - தேடுதற்கரிய; மாமணி - சிறந்த இரத்திரனம் போன்றவளும்; சீதை எனும் - சீதை எனுப்படுபவளுமான; பொன்சூடகம் - பொன்னாலாகிய சூடகம் என்ற; வால்வளை சூட்டிட - கை வளையலையணிந்த நங்கைக்குச் சூட்டும் பொருட்டு; நீட்டும் - நீட்டுதற்கு உரிய; ஏடு அவிழ்மாலை - மலர்ந்த பூமாலையே; என்ன - என்று எண்ணுமாறு; எடுத்தான் - எளிதாகத் தூக்கி எடுத்தான். சிவதனுசை இராமன் எடுத்தது சீதையை மணத்தற்குக் காரணமாவதால் அதைச் சீதைக்குச் சூட்டுதற்காக நீட்டும் மாலை போலும் என்றார். 33
699.	தடுத்து இமையாமல் இருந்தவர். தாளில் மடுத்ததும். நாண் நுதி வைத்ததும். நோக்கார்; கடுப்பினில் யாரும் அறிந்திலர்; கையால் எடுத்தது கண்டனர்; இற்றது கேட்டார்.
தடுத்து இமையால்- கண் கொட்டுவதைத் தடுத்து இமையாதபடி; இருந்தவர் யாரும் - (நிகழ்வதை) பார்த்து நின்ற அவையோர் யாவரும்; தாளில் மடுத்ததும் - (இராமன்) தன் திருவடியால் அவ்வில்லின் முனையை மிதித்ததையும்; நாண் துதி வைத்ததும் - (அதை வளைத்து) மற்ற முனையில் நாண் ஏற்றியதையும்; கடுப்பினில் - (செயலின்) வேகத்தால்; நோக்கார் - காணமுடியாதவராயினர்; அறிந்திலர் - அன்றியும் மனத்தாலும் இன்னது தான்