அணிகலன்களின்     இளவெயில்  வீசும்;அவ்வெயில் மயில் பீலிக்
குடைகளின்  நிழல்  அழியுமாறு  அந்த நிழலில்   தவழும். அப் பீலிக்
குடைகள்  தம்  நீல  நிறத்தால் மேகங்களின் அழகு கெட  அங்கங்கே
விளங்கித்  தோன்றும்; அம் மேகங்களும் இத்தகைய   இனிய பேரொலி
நமக்கு   இல்லையே   என்று   நாணிக்    குழைய  முரசக்கூட்டங்கள்
முழங்கும் என்பது.                                          13
 

மகளிர்      ஊர்வன- மகளிர் ஏறிச் செலுத்தக்கூடிய; மணி மன்
புரவிகள் - கிண்கிணி மாலை பூண்ட குதிரைகள்; அன்னம் உந்திய -
அன்னப்   பறவைகளைச்  சுமக்கின்ற;  திரை  ஆறு  போன்றன  -
அலைகளையுடைய  ஆறுகளை ஒத்தன; பொன் அணி புணர்முலை -
பொன்  அணிகளைப்  பூண்ட  நெருங்கிய  தனங்களையும்;  புரிமென்
கூந்தலார்  - பின்னப்பட்ட மெல்லிய கூந்தலையுமுடைய மகளிர்; மின்
என   -   மின்னலைப்   போலத்  தோன்ற;  மடப்பிடி-  (அவர்கள்
ஏறியிருந்த)  இளம்பெண்  யானைகள்;  மேகம் போன்ற - மேகத்தை
ஒத்தன.

கிங்கிணியின்     ஓசை  அன்னத்தின்  குரலையும்.     குதிரைகள்
அலைகளையும்.   மகளிர்   அன்னப்  பறவையையும்    ஒத்துள்ளமை
காணலாம். - தற்குறிப்பேற்ற அணி.

மகளிர்    பெண்யானைகள்மேல் ஊர்தல் மரபு: களிறு ஆணாதலால்
கற்பிற்கு  இழுக்காதல்  நோக்கியும்  களிறு மதம் கொள்ளின்   அதனை
அடக்கியாளும் வன்மை இவர்களுக்கு இல்லையாதலானும் எனலாம்.   14
 

இடை     இடை-  (அச்சேனை செல்லும்)  இடங்களில் எல்லாம்;
இணை எடுத்து - (கூட்ட மிகுதியால்) ஒருவரை ஒருவர்  இணைதலைப்
பொருந்தி;  நெருக்க -  நெருக்குதலால்;  ஏழையர்  துணைமுலை  -
மகளிரின் இரு முலைகளிலும்; குங்குமச் சுவடும் - அணிந்த குங்குமக்
குழம்பும்; ஆடவர் மணி - ஆண்களின் அழகிய;