வெள் எயிறு- வெண்மையான பற்களையும்; இலவச் செவ்வாய் -
சிவந்த  இலவின்   இதழ்போன்ற  வாயையும்  உடைய;  முகத்தை  -
(கோசலாதேவியின்) முகத்தை; வெண் மதியம் என்று - வெண்மையான
நிறைமதி என்று கருதி; கொள்ளையின் சுற்று - (வானிலே) மிகுதியாகச்
சுற்றிக் கொண்டிருக்கும்; மீன்கள் குழுமிய  அனைய - நட்சத்திரங்கள்
ஒன்றாகக்  கூடினாற்  போல;  ஊர்தி  -  சிவிகையாகிய  ஊர்தியிலே;
வள்ளலைப் பயந்த நங்கை- இராமனைப் பெற்ற கோசலாதேவி; தெள்
அரிப் பாண்டி - தெளிந்த வண்டின் இசை  போன்ற பாண்டி என்னும்
தக்கேசிப் பண்ணினால்; பாணிச் செயிரியர் - ஆகிய இசைப் பாட்டில்
வல்ல   பாணர்;   இசைத்  தேன்  சிந்த  -  இசையாகிய  தேனைச்
சொரியவும்;  வானவர்  வணங்க  - தேவர்கள் (தன்னை) வணங்கவும்;
போனாள் - சென்றாள்.

கோசலையின்     முகத்தைச்  சந்திரன்  என்று கருதி வானெங்கும்
உள்ள நட்சத்திரங்கள் ஒன்றாகக் கூடியதுபோலப்  பன்னிற  மணிகளால்
செய்யப்பெற்ற   பல்லக்கின்மேல்  கோசலை  சென்றாள்   என்பது.  -
மயக்க அணியை அங்கமாகக் கொண்ட தற்குறிப்பேற்ற அணி.      65
 

எண்ணுங்கால்     - ஆராயுமிடத்து; இவ் எழுதிரை - இந்த ஏழு
கடல்களால் சூழப்பெற்ற; வளாகம் தன்னில் - மண்ணுலகத்தில்; இங்கு
அலது - இந்த இடத்தில் (அயோத்தி) அல்லாமல்; மங்கையர் இல்லை
-  பெண்கள்  வேறு  இடத்தில்  இல்லை; என்ன - என்று (கண்டவர்)
கருதுமாறு;(பெருந்திரளாக); மடந்தையர் - மகளிர்;   செங்கையில் -
தம்முடைய   அழகிய   கையில்;   மஞ்ஞை  அன்னம்  -  மயிலும்
அன்னமும்;  சிறுகிளி - சிறிய கிளியும்; பூவை பாவை - நாகணவாய்ப்
பறவையும்   பாவைகளும்;   சங்கு   உறை   கழிந்த   அன்ன  -
உறையிலிருந்து  அப்போது  தான்  எடுத்த  சங்குபோன்ற; சாமரை  -
வெண்மையான  சாமரையும்;  முதல  -  முதலியவற்றையும்; தாங்கி -
தாங்கிக்  கொண்டு;  மருங்கு -  சிவிகையின்  அருகில்; போனார் -
சென்றார்கள்.