புகழை  வெண்ணிறமுடையது  என  ஓதும்  மரபு பற்றி. சாமரங்கள்
தசரதனது  புகழின் கொழுந்துகள் போன்றிருந்தன என்று  உவமித்தார்.
கொழுந்துகள் பொலிவன   என்றதனால்.  அவற்றையுடைய   மரங்கள்
செழித்து வளர்ந்திருப்பது கூறாமலேயே விளங்கும் என்க.          50
 

1113. 
  

சுழலும் வண்டும். மிஞிறும். சுரும்பும். சூழ்ந்து
உழலும் வாச மது மலர் ஓதியர்.
குழலினோடு உற. கூறு பல்லாண்டு ஒலி.
மழலை யாழ் இசையோடு மலிந்தவே.
 

சுழலும்  வண்ம்  மிஞிறும்  சுரும்பும்  சூழ்ந்து   உழலும்  -
சுற்றிச் சுற்றி ஒலிக்கும் இயல்புடைய  வண்டுகளும். அவற்றின் இனமான
மிஞிறும்  சுரும்புகளும்  சுற்றித்திரிதலுக்கு  இடமான; வாச மது மலர்
ஓதியர் -  நறுமணமும்    தேனும்    நிறைந்த    மலர்களையுடைய
கூந்தலுக்குரிய பெண்டிர்; குழலினோடு உறக கூறு பல்லாண்டு ஒலி -
புல்லாங்குழலோடு  பொருந்துமாறு.  (தசரத  வேந்தனைப்)  பல்லாண்டு
வாழ்க  என  வாழ்த்தும்   (இசை)  ஒலி;  மழலையாழ் இசையோடு
மலிந்த  -  அம்மகளிருடைய    கொஞ்சு மொழிக்குச்  சமமான யாழ்
இசையோடு மிக்கு ஒலித்தன.  

மிடற்றுக்கருவி.   துளைக்கருவி. நரம்புக்கருவி எனும் இசைபிறக்கும்
கருவி   வகைகளின்   இன்னொலியோடு  வண்டினங்களின்   ஒலியும்.
மகளிர்   கூந்தலின்   கொடையாகச்   சேர்ந்து   கொண்டன   எனக்
கூறியவாறு. மன்னனுக்கு பல்லாண்டு  (அஃறிணை) வண்டுகளும் பாடின
என்று குறிப்பால் உரைத்தார்.                                51

                                   வெண்குடை விளங்கி காட்சி
 

1114. 
  

வெங்கண்     ஆனையினான்    தனி    வெண்குடை    -
கொடுங்கண்களையுடைய    யானைப்படைக்குரிய  தசரத   வேந்தனின்
ஒப்பற்ற  வெண்கொற்றக்குடை; திங்கள் - சந்திரன் ஆனவன்; தங்கள்
குலக்கொடிச்  சீதை  ஆம்   மங்கை   -   தம்குலத்தில்  உதித்த
மலர்க்கொடியனைய  சீதையாகிய  மகளின்;  மாமணங்காணிய  வந்து
அருள் பொங்கி  ஓங்கித்  தழைப்பது போன்றது  -  சிறப்புக்குரிய
திருமணத்தைக்  கண்டுகளிப்பதற்காக  வந்து  கருணைமிக்குப்  பூரித்து
விளங்குவதைப் போன்றிருந்தது.    

தண்மையினாலும்       வெண்மையினாலும்.       வேந்தர்களின்
கொற்றக்குடைகளைத்  திங்களோடு உவமிக்கும் மரபு  பற்றிக் கூறினும்.
சந்திர  குல  மங்கை  மணம் காணக் குல முதல்வன்  வந்தான் எனப்
புதுச்சுவை சேர்ந்திருக்கும் திறம் காண்க. தற்குறிப்பேற்ற அணி.    52