| 1807. | நிழல் பிரிந்தன குடை; நெடுங் கண் ஏழையர்
குழல் பிரிந்தன மலர்; குமரர் தாள் இணை
கழல் பிரிந்தன; சினக் காமன் வாளியும்
அழல் பிரிந்தன; துணை பிரிந்த, அன்றிலே. |
குடை- குடைகள்; நிழல் பிரிந்தன- நிழல் செய்தலைக் கைவிட்டன;
நெடுங்கண் ஏழையர் குழல் - நீண்ட கண்ணை உடைய மகளிர்
கூந்தல்கள்; மலர்பிரிந்தன - மலர் சூடுதலை விட்டன; குமரர்தாள்
இணை கழல் பிரிந்தன -வீரர்களது அடிகள் கழல் அணிதலைக்
கைவிட்டன; சினக் காமன் வாளியும் - கோபம் உடைய மன்மதனது
மலர் அம்புகளும்; அழல் பிரிந்தன - காம வெப்பத்தை உண்டாக்குதலை
ஒழித்தன; அன்றில் - (என்றும் பிரியாது ஒன்றியிருக்கும்) அன்றிற்
பறவைகள்; துணை பிரிந்த- தம் துணையைப் பிரிந்து தனித்திருப்பவாயின. இராமனது பிரிவு உயிரினங்கள் இன்பத்தை இழக்கச்செய்தபடி.
யாரும் குடைபிடித்துச் செல்வது இல்லை ஆதலின் குடை நிழல் பிரிந்தன
என்றார்.யாரும் வேட்கை உற்றிலர் என்பதனை மன்மதன்வாளி வெப்பத்தை
விட்டது என்பதால் உணர்த்தினார். ‘ஏ’ காரம் ஈற்றசை. 202 | 1808. | தார் ஒலி நீத்தன, புரவி; தண்ணுமை
வார் ஒலி நீத்தன, மழையின் விம்முறும்;
தேர் ஒலி நீத்தன, தெருவும் - தெண் திரை
நீர் ஒலி நீத்தன நீத்தம் போலவே. |
புரவி - குதிரைகள்; தார் ஒலி நீத்தன - கழுத்திற் கட்டிய
கிண்கிணிமாலையின் ஓசையைக் கையிட்டன; தண்ணுமை - மத்தளம்; வார்
ஒலி நீத்தன -வாரை இழுத்துக் கட்டலால் விளையும் ஓசையைக்
கைவிட்டன; தெருவும் - வீதிகளும்; தெண்திரை நீர் ஒலி நீத்தன
நீத்தம் போல - தெளிந்த அலை நீர் ஒலியை விட்ட கடல் போல;
மழையின் - மேகம் போல; விம்முறும் தேர் ஒலி நீத்தன - ஒலிக்கின்ற
தேர்களின் ஒலியை இழந்தன. குதிரை ஒட்டுவாரில்லை, மத்தளம் அடிப்பார் இலர், தெருவில்
தேர்கள் ஓடவில்லைஎன்றார். அலை ஒழிந்த கடல் தேரோசை இழந்த
தெருவுக்கு உவமை ஆயிற்று. ‘ஏ’ஈற்றசை. 203 | 1809. | முழவு எழும் ஒலி இல; முறையின் யாழ் நரம்பு
எழ எழும் ஒலி இல; இமைப்பு இல் கண்ணினர்
விழவு எழும் ஒலி இல; வேறும் ஒன்று இல,
அழ எழும் ஒலி அலது - அரச வீதியே. |
|