‘நினைவின்’ என்பதற்கு நினையும் மாத்திரத்து எனக் கூறி, இராமன்
சிந்திக்குமளவிலேயேஅவ்வளவு விரைவாக மரவுரி உடுத்தி அயல் வந்து
நின்றாள் எனலும் ஆம். கையினள் - செயலினள்(கை - செய்கை)
எண்ணல், துணிதல், செய்தல் மூன்றும் பிராட்டியிடத்து விரைந்து
நிகழ்ந்தன. 224 சீதையைக் கண்டோர் வருத்தம் | 1830. | ஏழைதன் செயல் கண்டவர் யாவரும்
வீழும் மண்ணிடை வீழ்ந்தனர்; வீந்திலர்;
வாழும் நாள் உள என்றபின் மாள்வரோ? -
ஊழி பேரினும் உய்குநர் உய்வரே! |
ஏழை தன் செயல் - சீதையின் மரவுரி உடுத்த செயலைக்;
கண்டவர் யாவரும் -பார்த்த எல்லோரும்; வீழும் மண்ணிடை
வீழ்ந்தனர் - இறத்தற்கு இடமான நிலத்தில்விழுந்தார்கள்; வீந்திலர் -
இறக்கவில்லை; வாழும் நாள் உள என்றபின் -ஆயுள் நாள் இன்னும்
இருக்குமானால் அவர்கள்; மாள்வரோ? - இறப்பார்களோ; ஊழி
பேர்கினும் - பிரளயமே நேரிட்டாலும்; உய்குநர் உய்வர் - பிழைக்கும்
விதி உள்ளவர் பிழைப்பர். மிக்க சோகமும் உயிர்த்துடிப்பும் நிகழ்ந்தது கண்டவர் வீழ்ந்து
இறக்காமைக்குக்காரணம் அவர்களுக்கு ஆயுள் உள்ளமையே அன்றி
வேறன்று என்றார். வேற்றுப்பொருள் வைப்பணி. ‘ஏ’காரம் ஈற்றசை. 225 | 1831. | தாயர், தவ்வையர், தன் துணைச் சேடியர்,
ஆயம் மன்னிய அன்பினர் என்று இவர்
தீயில் மூழ்கினர் ஒத்தனர்; செங்கணான்
தூய தையலை நோக்கினன், சொல்லுவான்; |
தாயர் -; தவ்வையர் - தமக்கைமார்கள்; தன்துணைச் சேடியர் -
சீதைக்குத் துணையாகிய தோழிப் பெண்கள்; ஆயம் மன்னிய அன்பினர்-
தோழியர்கூட்டமாக உள்ள அன்பினை உடையவர்கள்; என்று இவர் -;
தீயில் மூழ்கினர் ஒத்தனர் -நெருப்பில் விழுந்து முழுகியவர்களைப்
போன்று ஆனார்கள்; செங்கணான் - சிவந்தகண்களை உடைய இராமன்;
தூய தையலை நோக்கினன் சொல்லுவான் - கற்பிற் சிறந்தசீதையைப்
பார்த்துச் சொல்லுகின்றான்; ஆடவர்க்குச் செங்கண் கூறல் வழக்கு. நோக்கினன்-முற்றெச்சம். 226 இராமன் சீதை உரையாடல் | 1832. | ‘முல்லையும் கடல் முத்தும் எதிர்ப்பினும்,
வெல்லும் வெண் நகையாய்! விளைவு உன்னுவாய் - |
|