உழையர் - மந்திரிமார்;  வள்ளல் தேர்கொண்டு வந்தான் என்று
தம் சிந்தைஉந்த - இராமன் தேர்மீது  ஏறித் திரும்பி வந்துவிட்டான்
என்று தம் மனம் தூண்ட; மன்னனை - தசரதனை; ஊர்கொண்ட திங்கள்
என்ன - பரிவேடத்தாற் சூழப்பெற்றசந்திரன் போல; சுற்றி -; கார்
கொண்ட மேனியானைக் கண்டிலர் - மேகம் போன்றமேனியுடைய
இராமனைக் காணாதவராய்; கண்ணில்-; வற்றா நீர் கொண்ட - வறளாத
பெருக்கெடுக்கும் நீரைக் கொண்ட; நெடும் தேர்ப்பாகன் நிலை கண்டு -
நெடிய தேரைச்செலுத்தும் சுமந்திரனது நிலைமையைப் பார்த்து; நிலையின்
தீர்ந்தார் - தமது நிலைகெட்டழிந்தார்கள்.

     ஊர் - ஊர்கோள். சந்திரனைச் சுற்றிய ஒளி வட்டம். பரிவேடம்
எனவும் பெறும்.  உழையர்- அமைச்சர் - “அறிகொன் றறியான் எனினும்,
உறுதி, உழை இருந்தான் கூறுல் கடன்’ (குறள்.638)என்பதனுள் அமைச்சனை
‘உழை இருந்தான்’ எனல் காண்க.                                 56

தயரதன் வினாதல்

     ‘இரதம் வந்து உற்றது’ என்று- (காடு சென்ற) தேர் வந்து சேர்ந்தது
என்று; ஆங்கு யாவரும் இயம்பலோடும் - அங்குள்ள அனைவரும்
சொல்லியவுடன்; மன்னனும் -தசரதனும்; ‘வரதன் வந்துற்றான்’ என்ன -
இராமன் வந்து  சேர்ந்தான் என்று கருதி; மயக்கம் தீர்ந்தான் - மன
மயக்கம் நீங்கினவனாய்; புரைதபு கமல நாட்டம் -குற்றம் அற்ற தாமரை
மலர்போலும் கண்கள்; ‘பொருக்’ என - சடக்கென; விழித்துநோக்கி -
திறந்து பார்த்து; விரத மாதவனைக் கண்டான் - நோன்பு மேற்கொண்ட
சிறந்த வசிட்ட முனிவனைக் கண்டு; ‘வீரன் வந்தனனோ’? - இராமன்
திரும்பி வந்தானோ; என்றான் -