வாள் எயிற்றின்வழி ஆன கடுவுக்கு-வாயில் உள்ள தீய வளைந்த சிறந்த
விடப்பல்லின் ஆக வரும் விடத்துக்கு;  அரு மருந்தா -அரிய மருந்தாக;
அருந்தும் அமுதம் பெற்று  உய்ந்து - உண்ணக்கூடிய சாவா மருந்தைப்
பெற்று  உயிர் பிழைத்து; போன பொழுதில்- வெளியே போன உடனேயே;
புகுந்த உயிர்- திரும்ப உள்ளே  வந்து  புகுந்த  உயிரை;  பொருத்தார்
ஒத்தார் -தாங்கியவர்களைப்  போன்றார்கள்.

     பாம்பினாற் கடியுண்ட  உடனே வெளியேறிய உயிர் அமுதம் பெற்று
உய்ந்து மீண்டும் உள்ளேபுகுந்தாற் போல முதல்நாள் இரவில்
சோர்ந்திருந்த நகரினர் காலையே தேரின் சுவடு கண்டுஅயோத்தி நகர்
நோக்கி மகிழ்ந்தபடி.  உள்ளது என்றார். அமுதம் - சாவாமருந்து.       82

     ஆறு செல்லச் செல்ல - வழி நடந்து போகப் போக;  தேர் ஆழி
கண்டார் - தேர்ச் சக்கரத்தை (சுவட்டை)ப்  பார்த்து;  அயற்பால  வேறு
சென்ற நெறி காணார் - பக்கத்தில் வேறாகச் சென்ற வழிகள் (சுவடுகள்)
எதுவும் காணாது; விம்மாநின்ற - மேலும்மேலும் தளும்புகின்ற; 
உவகையராய் - மகிழ்ச்சியோடு;  மாறி உலகம் வகுத்த நாள் -பிரளயம்
நீங்கி மீண்டும் படைப்பு நிகழ்ந்த காலத்தில்; வரம்பு கடந்து மண்முழுதும்
ஏறி- எல்லை கடந்து  பூமி முழுவதும் மூடி மேல் சென்று (பிறகு);
ஒடுங்கும் எறிகடல் போல் -தன் எல்லைக்குள் ஒடுங்கி அடங்குகின்ற
அலைவீசும் கடலைப் போல; எயில் மாநகரம்எய்தினார் - மதிலாற்
சூழப் பெற்ற அயோத்தி என்னும் பெரிய நகரத்தை அடைந்தார்கள்.

     பெருந்திரளாகக் காடு சென்று மீண்டும் நகர் திரும்பிய மக்கள்
வெள்ளத்துக்கு ‘ஏறிஒடுங்கி அடங்கும் கடல்’ உவமையாம். உவமையணி. 83

உண்மை உணர்ந்த நகரினர் வருத்தத்தை வசிட்டன் ஆற்றுதல்