மா கந்தமும் - மிக்க நறுமணத்தையும்;  மகரந்தமும் - வாசனைப்
பொடியும் கலந்து பொருந்திய; அளகம் - கூந்தல்;  தரும் - பெற்ற;
மதியின் பாகம்தரும்  நுதலாளொடு - அரைச்சந்திரன் வடிவாயமைந்து
நெற்றியை உடைய சீதையோடு; பவளம்தரும் இதழான் - பவளத்துக்குச்
செம்மை தரும் திரு அதரத்தை உடைய இராமன்; மேகம்மின்னொடு தனி
வருகின்றது என்ன - மேகம் மின்னலோடு சேர்ந்து தனித்து வருகின்றது
போலவும்; மிளிர் பூண் - அழகிய அணி அணிந்த; நாகம் - ஆண்யானை;
பிடியோடு தனி வருகின்றது என்ன - பெண் யானையோடு தனித்து
வருகின்றது போலவும்; நடவா -நடந்து  சென்று.

     நறுமணப் பொடிகளையும் மலர்களில் உள்ள மகரந்தங்களையும்
கூந்தலுக்கு இட்டு மணம் ஊட்டல்வழக்கு. கூந்தலின் கீழ் உள்ள நெற்றியை
‘அளகம் தரும் மதியின் பாகம்’ என்றார். குளகச்செய்யுள்.              4

     தொளை கட்டிய கிளை- தொளை பொருந்திய புல்லாங்குழலிலிருந்து;
முட்டிய -தாக்கி எழுப்பிய;  சுருதி - காதால் கேட்டு அனுபவிக்கும்
தன்மையதான;  சுவை அமுதின்- சுவையுடைய இசை அமுதம் போலவும்;
கிளை கட்டிய கருவி - நரம்புகள் இணைத்துக்கட்டப்பெற்ற யாழிலிருந்து;
கிளர் இசையின் - உண்டாகின்ற இசையைப் போலவும்; பசை நறவின் -
சாரமுள்ள தேனைப் போலவும்; விளை கட்டியின் - நன்றாக விளைந்த
பாகுக் கட்டி போலவும்;  மதுரித்து எழு - இனிமை உடையதாகி எழுகின்ற;
கிளவி -பேச்சினை உடைய; கிளி - கிளி போல்பவளாகிய சீதையினது;
விழி போல் -கண்களைப் போல; களை கட்டவர் - களை பறிப்பவர்;
தளைவிட்டு எறி -வயலிலிருந்து வீசி எறிகின்ற;  குவளைத் தொகை
கண்டான் - குவளை மலர்களின்கூட்டத்தைப் பார்த்தான்.