‘உம்பி - உன் தம்பியாகிய பரதன்; அங்கு உள கிளை காவற்கு
அமைதியின் உளன்- அயோத்தியில் உள்ள குடிமக்களையும் சுற்றத்தையும்
காப்பாற்ற வேண்டி அதற்குரியஆட்சிக் குணங்களோடு இருக்கின்றான்; (நீ
என்னுடன் வந்துவிட்டால்) இங்கு உள கிளை காவற்குயார் உளர்?
உரை செய்யாய் - சிருங்கிபேரத்தில் உள்ள சுற்றத்தையும் குடிகளையும்
காப்பாற்ற யார் இருக்கின்றார்கள், சொல்வாயாக; (நீயும் நானும் ஒன்றான
பிறகு)  உன்கிளை எனது  அன்றோ - உன்னுடைய சுற்றம் என் சுற்றம்
அல்லவா?; உறு துயர் உறர் ஆமோ?-  மிக்க துன்பத்தை என் பிரிவால்
எய்தலாமோ; என் கிளை இது என் ஏவலின் இனிது கா’- என்னுடைய
சுற்றமாகிய இவ்வேடுவர்களை என் கட்டளையால்  இனிது காப்பாயாக;’
என்றான் -.

     பணி மொழி கடவாதான் - இராமன் இட்ட கட்டளை வார்த்தையை
மீறாது; பருவரல்இகவாதான் - இராமனது பிரிவினால் ஏற்பட்ட துன்பமும்
நீங்காது; பிணி உடையவன்என்னும் பிரிவினன் - நோயுற்றான் என்று
சொல்லும்படியான பிரிவுத் துன்பத்தை உடையனாய்;விடை கொண்டான்-
(குகன்) உத்தரவு பெற்றுச் சென்றான்; அணி இழை மயிலோடும்ஐயனும்
இளையோனும்- அழகிய ஆபரணங்களை அணிந்த மயில் போல்பவளாகிய
சீதையோடும்இராமனும் தம்பி இலக்குவனும்; திணி மரம் நிறை கானில்-
வலிய பெரு மரங்கள்நிறைந்துள்ள காட்டில்;  சேண் உறு நெறி - நெடுந்
தொலையான வழியில்;  சென்றார்- சென்றார்கள்.

     இராமன் ஆணையை மீறாமல் துன்பத்தைத் தாங்கிக் குகன்செல்ல,
மூவரும் காட்டில் நெடுந்தொலை சென்றனர். காட்டின் உள்ளே செல்லச்
செல்லப்பெருமரங்கள் செறிந்திருக்கும் ஆதலின் ‘திணி மரம் நிறை கானில்’
எனவே, காட்டின் உள்பகுதியில் செல்வாராயினர் என்பது அறியப்படும்.  46