நெய்ஞ்ஞிறை நெடு வேலின் நிறம் உறுதிறம் முற்றி - நெய்
பூசப்பெற்று நிரம்பியநீண்ட வேற்படையின் தன்மை நிரம்பிய ஆற்றல்
பொருந்தி;  கைஞ் ஞிறை நிமிர் கண்ணாய்!- கை அளவில் அடங்காது
மேற்பட்டுச் செல்கின்ற கண்ணை உடையவளே!; மஞ்ஞையும் மடமானும்-
மயிலும் இளைய மானும்;  மெய்ஞ் ஞிறை விரிசாயல் கண்டும் - உன்
மேனியில் நிரம்பியுள்ள விரிந்த மென்மைத் தன்மையைப் பார்த்தும்;  நின்
விழி கண்டும்- உன் கண்களைப் பார்த்தும்; இனம் என்று கருதின -
உன்னைத் தம் இனம் என்றுகருதினவாய்;  வருவன பல - வருகின்றன
வாகிய பலவற்றை;  காணாய் -.

     பூ அலர் குரவோடும் - பூக்கல் மலர்ந்த குரா மரத்தினோடும்; புடை
தவழ் -பக்கங்களில் பரவி வளர்கின்ற;  பிடவு ஈனும் - பிடவ மரங்கள்
உண்டாக்கிய; மாஅலர் சொரி சூழல் - பெரிய மலர்கள் விழுந்து
கிடக்கின்ற சுற்றுப் புறங்களில்;  துயில் எழும் - தூங்கி எழுந்த;  மயில்
ஒன்றின் - ஓர் ஆண் மயிலின்;  தூவி -தோகை யானது;  இன் மணம்
நாற - இனிய மணம் வீச; துணை பிரி பெடை தான் -சேவலைப் பிரிந்த
பெண்மயிலானது; அச்சேவலொடு உற ஊடித் திரிவதன் இயல் - அந்த
ஆண்மயிலோடு  (வேறு பெண் மயில் உறவு கொண்டதாகக் கருதி) மிகவும் 
ஊடல்கொண்டு மனம்மாறுபடும் தன்மையை;  காணாய்-.