| | காலை வேலையைக் கடந்தது,
கழிந்த நீர் கடிதின்;
மேலை வேலையில் பாய்ந்தது,
மீண்ட நீர் வெள்ளம். |
ஆலை பாய் வயல் - கரும்பாலையிலிருந்து கருப்பஞ்சாறு பாய்கின்ற
வயல்களை உடைய;அயோத்தியர் ஆண்தகைக்கு இளையான் -
அயோத்திநகரத்தில் உள்ளார்க்கு ஆண்களிற்சிறந்தவனாகிய இராமனுக்குத்
தம்பியாய இலக்குவன்; மாலை மால்வரைத் தோள் எனும் மந்தரம்
திரிய - மாலை அணிந்த பெரிய மலை போன்ற தோளாகிய
மந்தரமலையானது மாறி மாறிநீரைத்தள்ள; கழிந்த நீர் - கையால்
தள்ளப்பட்ட நீரானது; காலை வேலையைக்கடிதின் கடந்தது - சூரியன்
உதிக்கும் காலைக் கடலாகிய கீழ்க்கடலை விரைவாகக் கடந்து அப்பால்
சென்றது; மீண்ட நீர் வெள்ளம் - தெப்பத்தால் மீண்டுசென்ற
நீர்ப்பெருக்கு;கடிதின் மேலை வேலையின் பாய்ந்தது - விரைவாக
மேற்குத் திசையில் உள்ள கடலிற்பாய்ந்து சென்றது. கையால் தள்ளிய நீர் கீழ்க்கடலைக் கடக்க, தெப்பத்தால் விடுபட்ட
நீர் மேற் கடலைஅடைந்தது என்றவாறாம். ‘கடிதின்’ என்பதனை
இரண்டுக்கும் கூட்டுக. 37 பின்னர் ஒரு பாலை நிலத்தை அடைதல் | 2036. | அனையர், அப் புனல் ஏறினர்;
அக்கரை அணைந்தார்;
புனையும் வற்கலைப் பொற்பினர்
நெடு நெறி போனார்;
சினையும் மூலமும் முகடும்
வெந்து, இரு நிலம் தீய்ந்து,
நினையும் நெஞ்சமும் சுடுவது ஓர்
நெடுஞ் சுரம் நேர்ந்தார். |
புனையும் வற்கலைப் பொற்பினர் - அணிந்து. கொண்டுள்ள
மரவுரியாலாகிய அழகியஆடையுடைய அவர்கள்; அனையர் -
அப்படிப்பட்டவர்களாய்; ஆப்புனல் ஏறினர் -அந்த யமுனை நீரைக்
கடந்தார்; அக்கரை அணைந்தார் - எதிர்க்கரையைச்சென்றடைந்தார்கள்;
நெடு நெறி போனார் - நீண்ட வழியைக் கடந்து சென்று; சினையும்
மூலமும் முகடும் வெந்து - கிளைகளும் வேறும், உச்சியும் தீய்ந்து; இரு
நிலம்தீய்ந்து - பெரிய நிலம் கருகி; நினையும் நெஞ்சமும் சுடுவது ஓர்
நெடுஞ் சுரம் -நினைக்கின்ற மனமும் சுடுவதாகிய ஒரு பெரிய பாலை
நிலத்தை; தேர்ந்தார் -அடைந்தார்கள். |