இவை மா வடுவின் வகிர் எனப் பொலிந்த கண் மயிலே! -
இவை மாம் பிஞ்சுகளின்பிளப்பு என்று  சொல்லும்படியாகப் பொலிந்த
கண்களை உடைய மயில் போல்பவளே!;  இடுகுகண்ணினர் - இடுங்கிப்
போன கண்களை உடையவரும்; இடர் உறுநெஞ்சினர் - துன்பம்உறுகின்ற
நெஞ்சத்தை உடையவரும் ஆகிய முனிவர்கள்; ஏக- செல்ல; மாதவர்க்கு-
அம்முனிவர்களுக்கு; நெடுகு கூனல் வால் நீட்டின - நீண்டு வளைந்த
வாலை நீட்டியவையாய்; உருகு உறு நெஞ்சக் கடுவன் - உருகுகின்ற
மனம் உடைய ஆண்குரங்கு; அரு நெறிகாட்டுவ - மலையிடத்து அரிய
வழியினைக் காட்டுகின்றவற்றை;  காணாய். -.

     பாந்தன் தேர் இவை பழிபடப் பரந்த பேர் அல்குல் - பாம்பின்
படமும், தேர்த்தட்டும் என்ற இவை உவமை ஆகாமல் பழிப்பை
அடையும்படி அகன்ற பெரிய அல்குலை உடையவளே!; கூந்தல்
மென்மயில் - தோகையை உடைய மெல்லிய மயிற்பறவைகள்;  குறுகின -
அணுகினவாய்; நூல் ஏந்து அணி மார்பினர் ஆகுதிக்கு  இயைய -
பூணூலைத் தாங்கிய அழகியமார்பினை உடைய அந்தணர்களது
வேள்விக்குப் பொருந்த; நெடுஞ்சிறை கோலி - நீண்டதம் சிறகுகளை