விமானங்கள்; போவன வருவன - போகின்றவற்றையும், மீள
வருகின்றவற்றையும்; பாராய் -. சித்திரகூட மலை தேவர்கள் சஞ்சரிக்கும் இடம், ஆதலின், அவர்கள்
விமானத்தில் ஏறிப்போவதும் வருவதுமாயிருத்தலின் வானமெங்கும்
விமானத்தால் போர்த்தப்பட்டது போல் உள்ளது.அதுவே அருந்தவம்
முடித்தவர்களுக்கு வீடுபேறு தருதற்கு விண்ணுலகு கொண்டு செல்ல வந்த
விமானங்கள்போலவும் தோற்றம் அளித்தன. தசும்பு - குடம்; புறம்
பொசிகின்ற மண்குடத்தைக்குறிக்கும். 36 இராமன் அந்தணரின் விருந்தினன் ஆதல் | 2082. | இனைய யாவையும் ஏந்திழைக்கு
இயம்பினன் காட்டி,
அனைய மால் வரை அருந் தவர்
எதிர்வர, வணங்கி,
வினையின் நீங்கிய வேதியர்
விருந்தினன் ஆனான் -
மனையில் மெய் எனும் மா தவம்
புரிந்தவன் மைந்தன். |
மனையில் - அரண்மனையில்; மெய் எனும் மாதவம் புரிந்தவன்
மைந்தன் - சத்தியம் என்னும் பெரிய தவத்தைச் செய்தவனாகிய
தயரதனுடைய மகனாகிய இராமன்; இனையயாவையும் - இப்படிப்பட்ட
சித்திரகூட மலையின் பண்பு நலங்களை யெல்லாம்; ஏந்து இழைக்கு -
உயர்ந்த அணிகலக்களை உடையாளாய சீதைக்கு; இயம்பினன் காட்டி -
சொல்லிக் காண்பித்து; அனைய மால் வரை - அந்தப் பெரிய சித்திரகூட
மலையின்; அருந்தவர் - அரிய முனிவர்கள்; எதிர்வர - (தன்னை)
எதிர்வந்து வரவேற்க; வணங்கி - (அவர்களை) வழிபட்டு; வினையின்
நீங்கிய - தவத்தால் இரு வினையில்இருந்து நீங்கியவர்களாகிய;
வேதியர் - அந்த வேதியர்களுக்கு; விருந்தினன்ஆனான் -. வனம் சென்று தவம் செய்வாரினும் தயரதன் மேம்பட்டவன் என்பது
காட்ட ‘மனையின் மெய்எனும் மாதவம் புரிந்தவன்’ என்றார். 37 சூரியன் மறைய, அந்தி நேரம் வருதல் கலிவிருத்தம் | 2083. | மா இயல் உதயம் ஆம் துளப வானவள்,
மேவிய பகை இருள் அவுணர் வீந்து உக,
கா இயல் குட வரை, கால நேமிமேல்,
ஏவிய திகிரிபோல், இரவி ஏகினான். |
|