அமுதனாளுக்கும் - அமுதத்தை ஒத்த சீதைக்கும்; கைகளும் கண்களும்
கமலம்போன்ற - கைகளும், கண்களும் மாலைக் காலத்துத் தாமரைகள்
குவிந்திருப்பது  போல்குவிந்து  மூடிக்கொண்டன.

     மாலையிற் சில மலர் குவிதலும், வேறுசில மலர்தலும் இயல்பு -
வழிபாடு செய்வார் கண்களைமூடிக் கைகளைக் குவிப்பர் ஆதலின், இங்கு
மாலைக்காலத்துத் தாமரை குவிந்திரப்பது  போலக்கைகளும், கண்களும்
ஆயின என்று குறிப்பால் அதனைப் புலப்படுத்தினர்.  ஏகாரம் ஈற்றசை.  42

இலக்குவன் அமைந்த குடிலில் இராமன் சீதையோடு குடிபுகுதல்  

     தவத்தின் எய்தினான் - தவம் காரணமாகக் காடு நோக்கி வந்த
இராமன்; மாலைவந்து அகன்றபின் - மாலைப் பொழுது வந்து சென்ற
பிறகு (இரவில்);  வேலை உறைவிடம்வந்து மேயது ஆம் என -
கடலானது  தான் தங்கும் இடத்தை வந்து சேர்ந்தது என்று
சொல்லும்படியாக; மருங்கிலாளொடும் - இடையில்லாத சீதையோடும்;
கோலை  வந்து உமிழ் சிலைத் தம்பி - அம்பை உமிழுகின்ற வில்லை
உடைய தம்பியாகிய இலக்குவன்; கோலிய - செய்தமைத்த;  சாலை வந்து
எய்தினான் - சாலை இருக்கும் இடத்தைவந்தடைந்தான்.

     நீலக்கடல் போன்ற நிறம் உடையவன் இராமன் ஆதலின், கடல் தன்
உறைவிடம் போனதுபோல என்று உவமைப்படுத்தினார்.              43

இலக்குவன் அமைத்த சாலை  

     நெடுங் கழைக் குறுந்துணி நிறுவி மேல் நிரைத்து - நீண்ட
மூங்கில்களின் சிறியதுண்டுகளை நிறுத்தி மேலே வரிசையாக அமைத்து;
ஒடுங்கல் இல் நெடு முகடு ஒழுக்கி-வளைதல் இல்லாத நீண்ட தூலத்தை
நேராக நிறுத்தி;  ஊழ் உற இடுங்கல் இல் கை ஏற்றிவிசித்து -
முறையாகப் பொருந்தக் கீழே தாழ்தல் இல்லாத பக்கக் கழிகளை மேல் ஏற்றி
நன்கு இறுக்கிக் கட்டி;  முடங்கல் இல் வரிச்சுமேல் - வளைதல் இல்லாத
அந்தக் கட்டியவரிச்சுக்களின் மேலே; எங்கணும் - எவ்விடத்தும்; விரிச்சு
மூட்டி -விரித்து மூடு செய்து.