நீளக்கழி, குறுக்குக் கழிகள், தூலம் முதலியன கூரை வேய்வதற்கு
முன் கட்டப் பெறுவன. விரிச்சு - விரித்து. ஏகாரம் ஈற்றசை. 44 | 2090. | தேக்கு அடைப் படலையின் செறிவு செய்து, பின்,
பூக் கிளர் நாணலின் புல்லு வேய்ந்து, கீழ்த்
தூக்கிய வேய்களின் கவரும் சுற்றுறப்
போக்கி, மண் எறிந்து, அவை புனலின் தீற்றியே. |
தேக்கு அடைப் படலையின் செயிவு செய்து - தேக்க இலை
கொண்டு மேல் கூரையைச்செறிய மூடி; பின் - பிறகு; பூக் கிளர்
நாணலின் புல் வேய்ந்து- பூத்துவிளங்கும் நாணற் புல்லை மேலே பரப்பி;
கீழ்த் தூக்கிய வேய்களின் - கீழேநிறுத்தப் பெற்ற மூங்கில் கழிகளால்;
சுற்றுறச் சுவரும் போக்கி - சுற்றுப்பக்கமெல்லாம் சுவரைச் செய்து; மண்
எறிந்து - அதன்மேல் மண்ணை அடித்து; அவை -அச்சுவரை; புனலின்
தீற்றி - தண்ணீரால் மெழுகிப் பூசி. முதலில் இலைகளை வேய்ந்து அதன் மேல் நாணற் புல்லைப்
பரப்பினான் என்க. இலைகள்நாணற்புல் விழாமல் தாங்குவன. மூங்கிற்
பிளாச்சுகளின் மேல் மண்பூசித் தண்ணீரால் மெழுகிச்சுற்றுச் சுவர்
அமைத்தானாம். ஏகாரம் ஈற்றசை. 45 | 2091. | வேறு இடம், இயற்றினன் மிதிலை நாடிக்கும்,
கூறின நெறி முறை குயிற்றி, குங்குமச்
சேறு கொண்டு அழகுறத் திருத்தி, திண் சுவர்
ஆறு இடு மணியொடு தரளம் அப்பியே. |
மிதிலை நாடிக்கும் - சீதைக்கும்; வேறும் இடம் இயற்றினன் -
தனி இடத்தைச் செய்து அமைத்தான் (எவ்வாறு எனில்); கூறின நெறி
முறை குயிற்றி - மேலே சொன்ன முறைப்படி செய்து அதன்மேல்;
குங்குமச் சேறு கொண்டு அழகுறத் திருத்தி - குங்குமக் குழம்பைக்
கொண்டு அழகாகச் சுவர்களை ஒழுங்கு செய்து; திண்சுவர் - வலிய
சுவரிலே; ஆறு இடு மணியொடு தரளம அப்பி - ஆற்றிலிருந்து
கிடைத்த மணிக்கற்களோடு முத்துகளையும் பொருத்தி. பிராட்டியின் தனி இடத்தைக் குங்குமக் குழம்பால் பூசி, மணியும்
முத்தும் சுவர்களிலே அப்பி அழகு செய்தமை கூறினார், ஏகாரம் ஈற்றசை.
46 | 2092. | மயிலுடைப் பீலியின் விதானம் மேல் வகுத்து,
அயிலுடைச் சுரிகையால் அருகு தூக்கு அறுத்து,
எயில் இளங் கழைகளால் இயற்றி, ஆறு இடு
செயலுடைப் புது மலர் பொற்பச் சிந்தியே. |
|