மயிலுடைப் பீலியின் மேல் விதானம் வகுத்து - மயிலின் தோகை
கொண்டு மேல்கட்டியைச் செய்தமைத்து; அயில் உடைச் கரிகையால் -
கூர்மை உடைய வாளால்; அருகுதூக்கு அறுத்து - பக்கங்களிலே
தொங்கல் தொங்கவிட்டு; எயில் - மதிலை; இளங்கழைகளால் இயற்றி -
இளைய மூங்கில்களால் செய்தமைத்து; ஆறு இடு செயல் உடைப்புதுமலர்
பொற்பச் சிந்தி - ஆற்றின் அருகே இருந்து கொணர்ந்த நல்ல புதிய
மலர்களை அழகுறஅங்கங்கே சிதறி. மகளிர் இருக்கும் இடம் ஆதலின் மயில் தோகையால் விதானம்
அமைத்தான். பக்கங்களில்மாலைகளைத் தொங்க விடுதல் அழகு நோக்கி.
ஏகாரம் ஈற்றசை. 47 இராமன் சாலையில் சீதையோடு குடி புகுதல் | 2093. | இன்னணம் இளையவன் இழைத்த சாலையில்,
பொன் நிறத் திருவொடும் குடி புக்கான் அரோ! -
நல் நெடுந் திசைமுகன் அகத்தும், நம்மனோர்க்கு
உன்ன அரும் உயிருளும், ஒக்க வைகுவான். |
இன்னணம் - இவ்வாறு; இளையவன் இழைத்த சாலையில் -
இலக்குவன் செய்துஅமைத்த சாலையில்; நல் நெடும் திசை முகன்
அகத்தும் - நல்ல பெரிய பிரமதேவனதுநெஞ்சத்திடத்தும்;
நம்மனோர்க்கு - நம்மை ஒத்தவர்களுக்கு; உன்ன அரும்உயிருளும் -
நினைத்தற்கரிய உயிரினுக்குள்ளும்; ஒப்ப - ஒரு தன்மையாக; வைகுவான்-
என்றும் நீங்காது உடன் உறைகின்ற பரம்பொருளாகிய இராமன்;
பொன்நிறத்திருவொடும் குடி புக்கான் - பொன்னிறம் படைத்த
இலக்குமியின் அவதாரம் ஆகியசீதையோடும் குடி புகுந்தான். பிரமன் நெஞ்சிலும், உயிரிலும் உறைபவன் இச் சிறிய சாலையில்
அவதார நிமித்தம் குடிபுகுந்தான் என்றது அரியனாய் எளியனாம் அவனது
சௌலப்பயத்தைக் காட்டியது. ‘அரோ’அசை. 48 இராமன் சாலையில் உவந்திருத்தல் | 2094. | மாயம் நீங்கிய, சிந்தனை, மா மறை,
தூய பாற்கடல், வைகுந்தம், சொல்லல் ஆம்
ஆய சாலை, அரும் பெறல் அன்பினன்,
நேய நெஞ்சின் விரும்பி, நிரம்பினான். |
மாயம் நீங்கிய சிந்தனை - உலக மாயையிலிருந்து விடுபட்ட
ஞானிகளது தெளிந்தமனம்; மா மறை - பெரிய வேதம்; தூய பாற்கடல்-
(வியூகத்தில் தான்எழுந்தருளி இருப்பதாகிய) தூய்மையான |