வசிட்டன் சத்துருக்கனனைக் கொண்டு இறுதிக்கடன் செய்வித்தல். | 2237. | என்று கூறி நொந்து இடரின் மூழ்கும் அத்
துன்று தாரவற்கு இளைய தோன்றலால்,
அன்று நேர் கடன் அமைவது ஆக்கினான் -
நின்று நான்மறை நெறி செய் நீர்மையான். |
நான்மறை நெறி நின்று- நால் வேத வழியில் தான் நிலை பெற்று
நின்று; செய் நீர்மையான் - (அவ்வேதவழியிலே) எல்லாவற்றையும்
(குறையறச்) செய்கின்ற தன்மை உடையவனாகிய வசிட்டன்; என்றுகூறி -;
நொந்து இடரின் மூழ்குறும் - மனம் வருந்தித் துயரில் மூழ்கியுள்ள;
அத்துன்றுதாரவற்கு - அந்த நெருங்கிய மாலை அணிந்துள்ள பரதனுக்கு;
இளைய தோன்றலால் -பின்பிறத்த தம்பியாகிய சத்துக்கனனால்; அன்று -
அப்பொழுது; நேர் -தயரதனுக்குச் செய்ய வேண்டிய; கடன் - இறுதிச்
சடங்குகளை; அமைவது ஆக்கினான்- பொருந்துவதாகச் செய்து முடித்தான். ‘தாரவன்’ - என்பது அரசகுலத்தான் என்பதால் சொல்லப்பெற்றது.
இங்குத் தார்அணிந்திருந்தான் எனல் வேண்டுவதின்று; துக்கச் செயல்கள்
நிகழ்கிறதாகலின்; அணிந்திருந்ததாரைக் கழற்றி எறிவதும், எறியாமையும்
ஆகிய எவற்றையும் சிந்திக்காத மனநிலை பரதனதுஅப்போதயை நிலை. 136 தயரதன் தேவிமார் தீக்குளித்து நற்கதி பெறுதல் | 2238. | இழையும் ஆரமும் இடையும் மின்னிட,
குழையும் மா மலர்க் கொம்பு அனார்கள்தாம்
தழை இல் முண்டகம் தழுவு கானிடை
முழையில் மஞ்ஞைபோல், எரியில் மூழ்கினார். |
குழையும் - ஒல்கித் தளரும்; மா மலர்க் கொம்பு அனார்கள்தாம்-
சிறந்த மலர் பூத்த கொம்பினை ஒத்தவர்களாகிய தேவியர்கள்; இழையும்
ஆரமும் இடையும்மின்னிட - பொன் வடமும், முத்துவடமும், இடுப்பும்
மாறிமாறி மின்னொளி செய்ய; தழைஇல் முண்டகம் தழுவு காளிடை -
தழையற்ற (செந்)தாமரை மலர்களே நிரம்பியுள்ளகாட்டினிடத்து; முழையில்
மஞ்ஞை போல் - மலையிடத்து வாழும் மயில் கூட்டம்மூழ்குவதுபோல;
எரியில் மூழ்கினார் - நெருப்பில் மூழ்கி விண்ணுலகு சென்றனர். செந்தாரைக் காட்டினுள் மயில்கல் புகுவதுபோல் நெருப்பிடையே
தேவி மார்மூழ்கினர்என்பதாம் |