ஒல்கிய - (மகளிரது ) வளையும் தன்மை உள்ளனவாகிய இடைகள்;
புல்கிய -(எப்பொழுதும் தம்மைத்) தழுவிக் கிடக்கும்;  மணிவடம் -
மணிகள் பதிக்கப்பெற்றவடங்களை; பூண்கிலாமையால் -  (இப்பொழுது)
அணியாமையால்;  ஒருவகைப் பொறைஉயிர்த்த - ஒருபடியாகப் பாரம்
நீங்கி இளைப்பாறின;  (எனவே) கேகயன் மடந்தைமல்கிய வாசகம் -
கைகேயியின் வளமான வரம்;  நல்கியது - அருள் செய்தது;  அரிவையர்
நடுவிற்கே கொல் - மகளிரது  இடைக்கு மட்டும் போலும்.

     கைகேயி கேட்ட வரத்தால் நலம் பெற்றது பெண்கள் இடை
ஒன்றுதான்; இத்துணைக் காலம் பல மணிவடச் சுமைகளைத் தாங்கியிருந்த
இடை  இப்போது  சுமைநீங்கி ஆறுதல் பெற்றன என்றார்.

     இடையில் அணியும் மணிவடங்கள். விரிசிகை, கலாபம், பருமம்,
மேகலை, காஞ்சி எனஐந்து வகையாகி 32, 21, 14, 8, 2 காசுகள்
கோக்கப்பெற்று  இருக்கும் என்ற செய்திகளை

என்னும் திருவிளையாடற் புராணச் செய்யுளால் (திருவிளை. மதுரைக்
திருமணப். 158)அறியலாம். ‘ஏ’ காரம் ஈற்றசை.                      41

     அவ் அளவு இல் சேனை - அந்த அளவற்ற சேனையானது;
கோமகன் பிரிதலின் -அரச குமாரனாகிய இராமன் நாடு விட்டுக் காடு
சென்றபடியால்;  கோலம் நீத்துள - தன்அலங்காரத்தைத் துறந்துள்ள;
தாமரைச் செல்வியும் - இலக்குமியும்;  தவத்தைமேவினாள் - (தானும்)
தவம் செய்ய விரும்பிச் சென்று விட்டாள்;  காமனும் -மன்மதனும்;
அருந்துயர்க் கடலில் மூழ்கினான் ஆம் - (இன்பம் நுகர்வார் எவரும்
இன்மையின் தன்தொழில் இறந்தது  என்று) அரிய துன்பக் கடலில்
மூழ்கிவிட்டானாகும்;  எனநிகழ்ந்தது - என்று சொல்லுமாறு பொலிவும்
மகிழ்ச்சியும் இன்றிச் சென்றது.