இது’ என்று - பிறரைக் கொல்ல வரும் பெரும்படை இது என்று; உணரக்
கூற - பலரும் அறிய எடுத்துச்சொல்ல....(மேல் முடியும்). புழுதியும், ஒலியும் படையின் பெருமை, வலி ஆகியவற்றை
முன்னுணர்த்தின; அது கண்டு கேட்டுச்சீறி எழுந்தான் இலக்குவன் என்று
அடுத்த பாட்டில் முடிகிறது. கோள் - கொலை சூழ்தல் ஆகும்.வலிய
என்றும் ஆகும். ‘ஏ’ ஈற்றசை. 25 பரதன் சேனை எழுச்சி கண்டு இலக்குவன் சீற்றம் அடைதல் | 2400. | எழுந்தனன், இளையவன்; ஏறினான், நிலம்
கொழுந்து உயர்ந்தனையது ஓர் நெடிய குன்றின்மேல்;
செழுந் திரைப் பரவையைச் சிறுமை செய்த அக்
கழுந்துடை வரி சிலைக் கடலை நோக்கினான். |
(பரதன் சேனைகள் வரும் நிலையைத் தன் குறிப்பால் உணர்ந்து)
இளையவன் -இலக்குவன்; எழுந்தனன் - எழுந்து; நிலம் கொழுந்து
உயர்ந்தனையது ஓர் நெடியகுன்றின்மேல் ஏறினான் - நிலவுலகம்
கொழுந்துவிட்டு உயர்ந்தாற் போன்றதான ஒருநீண்டுயர்ந்த மலையின் மேல்
ஏறி; செழுந்திரைப் பரவையை - வளவிய அலைகளையுடையகடலை;
சிறுமை செய்த - சிறியது எனக் கருதும்படி செய்த; அக் கழுந்து உடை
வரிசிலைக் கடலை - அந்த வலிமை மிக்க கட்டமைந்த வில்லை ஏந்திய
சேனைக் கடலை; நோக்கினான் - பார்த்தான். நலத்தின் மேல் உள்ள நெடிய மலை, நிலம் கொழுந்துவிட்டு
உயர்ந்தது போல் உள்ளதுஎன்றார். தற்குறிப்பேற்றம். சேனைக் கடலின்
பெருமை நோக்கியவழி கடல் சிறியதாக உள்ளது.கழுந்து - வலிமை.
“கழுந்தோடும் வரிசிலைக்கைக் கடற்றானை” (237.) எனப் பாலகாண்டத்து
வருதல்காண்க. கழுந்து - வில்லின் கழிப் பகுதியாகும் என்பதும் ஒன்று.
வில்லை இடையறாது கையிற்பிடித்தலால் தேய்ந்து வழுவழுப்பாதலைக்
‘கழுந்து’ எனக் கூறுவதாகவும் பொருள் உரைப்பர்.இளையவன் எழுந்து,
ஏறி, நோக்கினான் என முடிக்க. 26 | 2401. | ‘பரதன், இப் படைகொடு,
பார்கொண்டவன், மறம்
கருதி, உள் கிடந்தது
ஓர் கறுவு காதலால்,
விரதம் உற்று இருந்தவன் மேல்
வந்தான்; இது
சரதம்; மற்று இலது’ எனத் தழங்கு
சீற்றத்தான். |
|