இரத்த நதிகள்; பலவும் கடர் எலாம் மடுப்பன - பலவும் கடல் முழுவதும்
பாய்ந்து கலப்பனவற்றை; காண்டி - பார்ப்பாயாக...

     உருட்டி,  ஈர்த்து,  திரைத்துக் குருதி ஆறு கடலில் மடுத்தல் காண்டி
என முடிக்க.  குடல்,குடர் என்றார்போலக் கடல், கடர் என நின்றது
செய்யுட்போலி. ‘ஆல்’ ஈற்றசை.                                  31

     ‘வீர! நீ - இராமனே ! நீ; கருவியும் கைகளும் கவச மார்பமும்
உருவின -எதிரிகளது ஆயுதங்களையும்,  கரங்களையும்,  கவசமணிந்த
மார்பகத்தையும்  உருவிக்கொண்டு; உயிரினோடு - அவர்கள் உயிரையும்
உடன்பற்றி;  உதிரம் தோய்வு இல -இரத்தத்தில் சிறிதும் தோயாமல்;
சுடர்க்கணை - என்னுடைய ஒளிபடைத்த அம்புகள்;  திசைக்கை
யானைகள் - எட்டுத் திசைப் பக்கத்திலும் உள்ள யானைகளும்; வெருவர-
அஞ்சும்படி;  திரிவன செய்வன - சுற்றித் திரிதல் செய்வனவற்றை;
காண்டி -பார்ப்பாயாக....

     அம்புகள் உடலிற் பாய்ந்து உருவியும் உதிரம் தோயாமல் இருத்தலின்
அவற்றைக் கண்டுதிசையானைகள் வெருவின. கை திசையொடு வருதலின்
பக்கமாம்.                                                   32

     ‘நாத! நீ -; தாவிய குதிரை படு கேடகத் தேர் - தாவிச் செல்லும்
குதிரைகள்இறந்து போன வளைந்து அழகிதாய தேரினது;  ஆடகத்
தட்டிடை - பொன்மயமானநடுப்பீடத்தின்கண்; அலகை- பேய்கள்; அற்று
உகு கேடகத் தடக் கைகள் கவ்வி -போர்க்களத்துத் துண்டாகி விழுந்த
கேடகத்தோடு கூடிய நீண்ட கைகளைத் தம் கையாற் பற்றி
(தாளமிட்டுக்கொண்டு); கீதத்தின் - இசை பாடிக்கொண்டு;  நாடகம்
நடிப்பன -கூத்தாடுவனவற்றை;  காண்டி - பார்ப்பாயாக..

     பலகை எனப்படும் கேடயத்தோடு அற்று விழுந்த கைகளைப் பேய்கள்
தாம் எடுத்துக்கொண்டனகானம் இட்டு ஆடுதல் போலும். கோடகம்
என்பது தேர் உறுப்பு எனலும்ஆம்.                              33