இடியேறுண்ட நாகம் போல வருந்தினான் என்றல் வழக்கு. அடியோடு
உயிர்ப்பற்ற இராமன் சிறிதளவு அருமையாக உயிர்ப்பு வந்து, ஆற்றாமை
நீங்கப் பெருமூச்சு விட்டுப் பின்னர் உள்கலங்கிப் புலம்பினானாம். ‘அரோ’
ஈற்றசை. 59 இராமன் தயரதனை நினைத்துப் புலம்புதல் கொச்சகக் கலி | 2434. | ‘நந்தா விளக்கு அனைய
நாயகனே! நானிலத்தோர்
தந்தாய்! தனி அறத்தின்
தாயே! தயா நிலையே!
எந்தாய்! இகல் வேந்தர்
ஏறே! இறந்தனையே!
அந்தோ! இனி, வாய்மைக்கு
ஆள் உளரே மற்று?’ என்றான். |
‘நந்தா விளக்கு அனைய நாயகனே!’ - அணையாத விளக்கைப்
போல (இரவும் பகலும்புகழோடு விளங்கிய) தலைவனே!; நானிலத்தோர்-
இம் மண்ணுலகில் உள்ளார்க்கு; தந்தாய்! - தந்தையொப்பவனே!; தனி
அறத்தின் - ஒப்பற்ற அறம் என்னும்குழந்தைக்கு; தாயே! - (பெற்று
வளர்த்த) தாயே!; தயா நிலையே! - பேரருளுக்குஇருப்பிடம் ஆனவனே!;
எந்தாய் - என் தந்தையே!; இகல் வேந்தர் ஏறே! -பகையரசர்களாகிய
யானைகளுக்குச் சிங்கம் போன்றவனே!; இறந்தனையே - இறந்து போய்
விட்டாயே; இனி வாய்மைக்கு மற்று யார் உளர்? - இனிமேல்
சத்தியத்தைக் காப்பதற்குவேறு யார் இருக்கின்றார்கள்; அந்தோ’ - ஐயோ;’
என்றான்-. நந்தா விளக்கு - தூண்டா விளக்கு. பிறர் தூண்ட வேண்டாது எரியும்
விளக்குப் போல, தன்னால் தானே புகழுடையனாய் விளங்கியவன் தயரதன்.
நால் நிலம் - முல்லை, குறிஞ்சி, மருதம், நெய்தல் - உலகம் இப்பகுதிக்குள்
அடங்குதலின் நானிலம் எனவே உலகம் என்றாம். ஏகாரங்கள் இரக்கப்
பொருளில் வந்துள்ளன. 60 | 2435. | ‘சொல் பெற்ற நோன்பின்
துறையோன் அருள் வேண்டி,
நல் பெற்ற வேள்வி நவை
நீங்க நீ இயற்றி,
எற் பெற்று, நீ பெற்றது
இன் உயிர் போய் நீங்கலோ?-
கொல் பெற்ற வெற்றிக்
கொலை பெற்ற கூர் வேலோய்! |
|