ஆதலின் அறவழியில் அரசாட்சி நடத்தி விண்ணுலகு சென்று இன்பம்
துய்க்கும் ‘தயரதன்பற்றிவருந்தல் வேதங்களை நன்குணர்ந்த உனக்குக்
கூடாது என்று வசிட்டன் இராமனுக்கு எடுத்துக்கூறினான். வீடுபேற்றுக்குச்
சிறந்த வழியாதலின் துறவு முற்கூறப்பட்டது. ‘ஓ’ காரம்வினாப்பொருட்டு. 70

     ‘(உயிர்களுக்கு), “உண்மை இல் பிறவிகள் - நிலையில்லாதனவாகிய
பிறப்புகள்; உலப்பு இல் கோடிகள் - அளவில்லாத கோடிக் கணக்கானவை;
(அவை) தண்மையில்வெம்மையில் தழுவின” - இன்பத்தாலும்
துன்பத்தாலும் உண்டாகப்பெற்றவை; எனும் -என்ற; வண்மையை -
வளமாக நூல்களில் கூறப்பெற்றவற்றை; நோக்கிய - நன்குபார்த்து
அறிந்தபின்பு; அரிய கூற்றின்பால் - கொடிய யமனிடத்தில்; கண்மையும்
உளது என - கண்ணோட்டமும் இருக்கின்றது என்று; கருதல் ஆகுமோ -
நினைக்கக்கூடுமோ? (கூடாது)

     இன்ப துன்பங்கட்கேற்பப் பல பிறவிகள் எடுக்கும் உயிர்கல் அவை
தீர்ந்த பிறகு இறக்கின்றன. இதில் யமன் கண்ணோட்டம் உடையவனாதல்
வேண்டும் எனக் கருதல் எற்றுக்கு என்பதாம். கண்மையாவது கண்ணின்
தன்மை; அது கண்ணோட்டம். பிறர் துன்பம் கண்டு அவர்மாட்டுக் கண்
ஓடியவழிச் செய்யப்படுவது ஆதலின், கண்மை எனப்பெற்றது.           71

     ‘பெறுவதன் முன் - தாய் ஈனுவதற்கு முன்பாகவே; உயிர்பிரிதல் -
சிலஉயிர்கள் உடல் விட்டு நீங்கி இறப்பதை; காண்டி - பார்க்கின்றாய்;
(அங்ஙனமாக)வையம் யாவையும் மறு அறு கற்பினில் - இந்த உலகம்
எல்லாவற்றையும் குற்றமற்றகற்பினால்; அறுபதினாயிரம் ஆண்டும்
ஆண்டவன் - அறுபதினாயிரம் ஆண்டுகள் அரசாண்டசக்கரவர்த்தி;
இறுவது கண்டு - இறத்தலைப் பார்த்து; அவற்கு -அவன்பொருட்டு;
இரங்கல் வேண்டுமோ - மனம் வருந்த வேண்டுமோ? (வேண்டாம்
என்றபடி)