| 2474. | ‘நிறையின் நீங்கிய மகளிர் நீர்மையும்,
பொறையின் நீங்கிய தவமும், பொங்கு அருள்
துறையின் நீங்கிய அறமும், தொல்லையோர்
முறையின் நீங்கிய அரசின் முந்துமோ? |
‘நிறையின் நீங்கிய - கற்பு நெறிவிலகிய; மகளிர் நீர்மையும் -
பெண்களின் தன்மையும்; பொறையின் நீங்கிய தவமும் -
பொறுமையினின்று விலகிய தவவொழுக்கமும்; பொங்கு அருள் துறையின்
நீங்கிய - விளங்குகின்ற கருணைவழியிலிருந்து விலகிய; அறமும் -
தருமமும்; தொல்லையோர் - முன்னோர்களது;முறையின் நீங்கிய -
முறைமையிலிருந்து விலகிய; அரசின் - அரசாட்சியைக்காட்டிலும்;
முந்துமோ - (கொடுமையில் முற்படுமோ? (முற்படாது என்றபடி) அரசு முறைமையில் தவறுதல் மற்றவற்றைக் காட்டிலும் பெருங்கேடு
பயப்பதென்றான்;பிறவற்றையும் நெறிவழி நிற்கச் செய்வது அரசின்
பாற்பட்ட தாதலால். “மாதவர் நோன்பும் மடவார் கற்பும், காவலன் இல்வழி
இன்றாம்”மணி - 22 - 208- 9,) என்பதை ஈண்டுக்கருதுக.அறத்தின்
பயன்அருளே. அருளில்லான் அறம்செய்தல் என்பது நனைப்புக்கிடம்
தருவது. “அருளால் அறம் வளரும்” (அறநெறி. 142) என்பதையும்
காண்க. 100 | 2475. | ‘பிறந்து நீயுடைப் பிரிவு இல் தொல் பதம்
துறந்து, மா தவம் தொடங்குவாய் என்றால்,
மறந்து, நீதியின் திறம்பி, வாளின் கொன்று
அறம் தின்றான் என, அரசுஅது ஆள்வெனோ? |
‘பிறந்து - (சக்கரவர்த்திக்கு மூத்த மகனாகப் ) பிறந்து; நீயுடைப்
பிரிவு இல் தொல் பதம் - நீ உரிமையாகப் பெற்றுடை உன்னைப் பிரிதல்
இல்லாத பழையதாகிய அரசபதவியை ; துறந்து - கைவிட்டு; மாதவம்
தொடங்குவாய் என்றால் - நீயேபெரிய தவத்தைச் செய்யத்
தொடங்குவாயெனின்; மறந்து - அறிவு கெட்டு; நீதியின்திறம்பி - நீதிக்கு
மாறுபட்டு; வாளின் கொன்று - வாளால் கொலை செய்து; அறம்
தின்றான் என - அறத்தை அழித்தவன் என்று சொல்லுமாறு; அரசு அது
ஆள்வெனோ? - உரிமையில்லாத அரசை ஆள்வேனோ? (ஆளேன்
என்றானாம்) உரிமையும் உறவும் உடைய நீயே அரச பதவி கைவிட்டுத் தவம்
செய்வாய் ஆனால், அஃதில்லாத யான் ஆளத் தொடங்குதல் வலிந்து
கைப்பற்றி முறை தவறி ஆள்வதாக அன்றோ முடியும் என்றானாம். வாளின்
கொன்று - வாளால் மிரட்டி என்னும் பொருளில் வந்துள்ளது. அறம்
தின்றல் - தருமத்தை அடியோடழித்துவிடல். 101 | 2476. | ‘தொகை இல் அன்பினால் இறைவன் துஞ்ச, நீ
புகையும் வெஞ் சுரம் புகுத, புந்தியால் |
|