உதவிட- எளிதில் எல்லாம் பொருள்களையும் உண்டாக்கி உலகிற்கு உதவ
வேண்டி; தோன்றினான்- வெளிப்பட்டருளினான்.

     பிரளய காலத்து  ஓடுங்கிய பிரமன் தான் ஒடுங்கிய நாபிக் கமலத்தில்
இருந்து மீண்டும்வெளிப்படுவான் என்பது படைப்புக் கொள்கை. திருமாலின்
நாபிக் கமலத்தில் பிரமன்வெளிப்பட்டுப் படைப்புத் தொழிலை நடத்தத்
தொடங்கினான் என்றவாறாம்.                                   121

     அவன்- அத்திசைமுகன்; அன்று- அக்காலத்து; உலகினை அளிக்க-
உலகத்தைப் படைக்க;  முதல் ஆகியது - முதலில் உண்டாகியது;  உன்
தனிக் குலம் - உன்னுடைய ஒப்பற்ற சூரிய குலம்;  உள்ள வேந்தர்கள் -
இந்தக் குலத்தில் தோன்றியஅரசர்களும்; முறை இகந்து உளார் -
முறைமை தவறியவர்; இன்று அளவினும் - இன்றுவரையிலும்; இலை -
இல்லை; இனம் ஒன்று உரை உளது - இன்னும் ஒரு வார்த்தைஇருக்கிறது;
உணரக் கேட்டி - தெரியக் கேட்பாயாக.

     “ஆதிமால் அமலன் நாபிக்கமலத் தயனுதித்தயன் மரீசியெனும்
அண்ணலை அளித்த பரிசும், காதல் கூர்தரு மரீஇசி மகனாகி வளரும்
காசிபன் கதிர் அருக்கனை அளித்த பரிசும் “எனக் (கலிங்கத்துப். இராச. 9)
கூறுமாறு திருமால் - அயன் - மரீஇசி, காசிபன் - சூரியன் எனக் குலமுறை
காணுதலின் முதற்றோன்றிய குலமாதல் அறிக. நீ மூத்தவனாதலின் முறை
இகவாமல் நீயே அரசு புரிதல் வேண்டும் என்பது வசிட்டன் கூற்றாகும்.

     ‘மத இயல் களிற்றினாய்’ - செருக்குன்ற இயல்பினை உடைய ஆண்
யானையைஉடையவனே!; மறுவில் விஞ்சைகள் - குற்றமற்ற கல்விகளை;
பதவிய இருமையும் பயக்க- பக்குவப்பட  இம்மை  மறுமை இரண்டிலும்
பயன் கொள்ளுமாறு; பண்பினால் உதவிய -அன்போடு கற்பித்துக்
கொடுத்த; ஒருவனே - ஆசிரியனே; இத இயல் இயற்றிய -(ஒருவனுக்கு)
நன்மைதரும் இயல்பினைச் செய்த; குரவர்யாரினும் உயரும்’- எல்லாரினும்
மேம்படுவான்; என்பர் - என்று கூறுவார்கள்.