| 2512. | பண்டை நூல் தெரி பரத்துவனும் போயினான்;
மண்டு நீர் நெடு நகர் மாந்தர் போயினார்;
விண்டு உறை தேவரும் விலகிப் போயினார்;
கொண்டல்தன் ஆணையால் குகனும் போயினான். |
பண்டை நூல் தெரி பரத்துவனும் போயினான் - பழமையான
வேதங்களை ஆராய்தறிந்தபரத்துவாச முனிவனும் (தன்னிடத்திற்குச்
சென்றான்; மண்டு நீர் நெடுநகர் மாந்தர்போயினார் - நிறைந்த அகழி
நீராற் சூழப்பெற்ற பெரிய அயோத்தி நகரவாசிகளாயமணிதர்களும்
புறப்பட்டுச் சென்றார்கள்; விண்டு உறை தேவரும் விலகிப் போயினார் -
வெளிப்பட்டு விண்ணிற் கூடிய தேவர்களும் அங்கிருந்து நீங்கித் தத்தம்
இடம் சேர்ந்தார்கள்;கொண்டல்தன் - இராமபிரானது; ஆணையால் -
கட்டளையால்; குகனும்போயினான் - குகனும் தன் இடமாகிய சிருங்கி
பேரத்துக்குச் சென்றான். குகன் சற்றுப் பின்தங்கி இராமனது ஆணை பெற்றுச்சென்றானாதல்
வேண்டும். விண்டு - வெளிப்பட்டு. மறைந்துள்ள தேவர்கள், தம்
காரியசித்திக்காக இராமனை அயோத்தி செல்லவொட்டாது தடுக்க
வெளிப்பட்டுக் கூடினார் ஆதலின்‘விண்டு உரை தேவர்’என்று கூறினார். 138 இராமன் பாதுகை ஆட்சி நடத்தப் பரதன் நந்தியம் பதியிடை வதிதல் | 2513. | பாதுகம் தலைக்கொடு, பரதன் பைம் புனல்
மோது கங்கையின் கரை கடந்து முந்தினான்;
போது உகும் கடி பொழில் அயோத்தி புக்கிலன்;
ஒது கங்குலில் நெடிது உறக்கம் நீங்கினான். |
பரதன் -; பாதுகம் தலைக்கொடு - இராமனது திருவடி நிலையைச்
சிரமேற் கொண்டு;பைம்புனல் மோது கங்கையின் கரை கடந்து - (பசிய)
குளிர்ந்த நீர் மோதுகின்றகங்கையின் கரைகளைக் கடந்து; முந்தினான் -
முற்பட்டு; போது உகும் கடிபொழில்அயோத்தி புக்கிலன் - மலர்கள்
சிந்துகிற மணம் வீசும் சோலை சூழ்ந்த அயோத்திநகருக்குள் நுழையாமல்;
ஓது கங்குலின் - சொல்லப்படுகிற இரவில்; நெடிது உறக்கம் நீங்கினான்-
மிகவும் தூக்கம் ஒழிந்து... (மேல் முடியும்) முற்சென்ற பரதன் அயோத்திக்குள் செல்லவில்லை என்றார். 139 | 2514. | நந்தியம் பதியிடை, நாதன் பாதுகம்
செந் தனிக் கோல் முறை செலுத்த, சிந்தையான்
இந்தியங்களை அவித்து இருத்தல் மேயினான்,
அந்தியும் பகலும் நீர் அறாத கண்ணினான். |
|