மிகைப் பாடல்கள் குறிப்புரை 1. மந்திரப் படலம் | 188. | ‘மன்னனே! அவனியை
மகனுக்கு ஈந்து, நீ
பன்ன அருந்தவம்
புரி பருவம் ஈது’ என,
கன்ன மூலத்தினில்
கழற வந்தென,
மின் எனக் கருமை போய்
வெளுத்தது - ஓர் மயிர். |
அவனி - பூமி; கன்ன மூலம் - காதின் அடியில், காது அடியில்
தலைமயில்நரைத்தல் முதுமைக்கு அடையாளம் ஆகும்; சுழறல் -
இடித்துரைத்தல். | 189. | தீங்கு இழை இராவணன்
செய்த தீமைதான்
ஆங்கு ஒரு நரையது
ஆய் அணுகிற்றாம் என,
பாங்கில் வந்திடு நரை
படிமக் கண்ணடி
ஆங்கு அதில் கண்டனன் -
அவனி காவலன். |
படிமம் - பிரதிமா என்னும் வடசொல் திரிபு. தன்னுடைய உருவம். (இந்த இரண்டு செய்யுட்களும், ‘மண்ணுறு முரசு
இனம்’ எனத் தொடங்கும் முதற் பாடலின்முன்,
படலத்தின் தொடக்கத்தில் உள்ளன.) |