அழைப்புகள் காட்டும். ‘உலகு அளிக்கும்’ என்பதற்கு, உலகைக் காப்பாற்றும்
என்று பொதுவாகப்பொருள் உரைத்தலும் ஒன்று, ‘ஆல்’ தேற்றம்.      68

     (மந்தரை மீண்டும்)  ‘அரசர் இல் பிறந்து  - அரச குலத்தில் பிறந்து;
பின்- பிறகு;  அரசர் இல் வளர்ந்து - அரசு குடும்பத்தில் வளர்ந்து;
அரசர்  இல்புகுந்து - அரச குடும்பத்தில் வாழ்க்கைப்பட்டு; பேர் அரசி
ஆன நீ - (சக்கரவர்த்தியின்)பட்டத்தரசியாக ஆன நீ; கரைசெயற்கு
அருந்துயர்க் கடலில் - கரை இடுவதற்கு முடியாத துன்பக்கடலில்;
வீழ்கின்றாய் - வீழ்ந்து  கொண்டேயிருக்கிறாய்;  உரை செய - (நான்)
எடுத்துச் சொல்லியும்; கேட்கிலை - கேட்கின்றாயில்லை; உணர்த்தியோ?’-
பின் அனுபவத்தால்  உணர்வாயோ?;’  என்றாள் -

     பரதற்கு - பரதனுக்கு;  கல்வியும் இளமையும் -;  கணக்கு  இல்
ஆற்றலும் -அளவில்லாத வல்லமையும்;  வில்வினை உரிமையும் - வில்
தொழிலில் திறமையும்; அழகும், வீரமும் -; எல்லை இல் குணங்களும் -
அளவில்லாத நற்குணங்களும்;  எய்திய - வந்து பொருந்தி உள்ளன;
(அரசன் ஆகாவிடின் அவை அனைத்தும்) புல்லிடை உகுந்த அமுது
ஏயும் போல்-புல்தரையில் சொரிந்த தேவர் அமுதம் போலப் பயனற்றதாக
ஆகும் போலும்;’ என்றாள் -