| 2549. | எரியின் வார் கணை இராமன் விட,
எங்கும் நிலையாது
உருவி ஓட மறம் ஓடுதல்
செயா உணர்வினான்,
அருவி பாயும் வரைபோல் குருதி
ஆறு பெருகிச்
சொரிய, வேக வலி கெட்டு,
உணர்வு சோர்வுறுதலும் |
இராமன் எரியின் வார்கணை விட - இராமபிரான் நெருப்புப்
போன்ற நீண்ட அம்புகளை எய்ய; எங்கும் நிலையாது உருவி ஓட -
எவ்விடத்தும் தடைப்படாமல் அரக்கன் உடலில் அவ்வம்புகள் ஊடுருவிச்
செல்ல; மறம் ஓடுதல்செயா உணர்வினான் - கொடுமை நீங்கா
அறிவுடைய அவ்வரக்கன்; அருவி பாயும் வரை போல்- அருவிகள்
பாய்ந்து ஓடும் மலை போல; குருதி ஆறு பெருகிச் சொரிய - இரத்த
ஆறுபோலத் தன் உடம்பிலிருந்து பெருக்கெடுத்து வழிய; வேக வலி
கெட்டு உணர்வு சோர்வுறுதலும் -மிகுந்த வலிமை அழிந்து அறிவிழந்த
அளவில். எரியின் வார்கணை அக்கினி யாத்திரமும் ஆகும். எரிக்க வேண்டிய
அவ்வம்பு விராதனின் வரவலிமையால் அவனை எரிக்காமல் ஊடுருவியது
என்பர். விராதனுக்கு மலையும் அவன் உடலிலிருந்துபெருகும் இரத்தத்திற்கு
அருவியும் முறையே உவமையாம். குருதி ஆறு - உருவகம். 33 இராமலக்குவர் விராதன் தோள்மேல் ஏறி வெட்டி வீழ்த்தல் | 2550. | மெய் வரத்தினன், ‘மிடல்-
படை விடப் படுகிலன்;
செய்யும் மற்றும் இகல்’ என்று
சின வாள் உருவி, ‘வன்
கை துணித்தும்’ என, முந்து கடுகி,
படர் புயத்து,
எய்வு இல் மல் பொருவு தோள் இருவர்
ஏற, நிருதன் |
எய்வு இல் மல் பொருவு தோள் இருவர் - சோர்வில்லாத, மற்போர்
செய்வதில் வல்ல தோள்களை உடைய இராமலக்குவர்; மெய்வரத்தினன் -
அழியாவரம் பெற்ற விராதன்; மிடல் படை விடப் படுகிலன் - வலிய
அம்புகளை எய்தும் இறவான்; மற்றும் இகல் செய்யும் - மேலும் இவன்
போர்புரிவான்; என்று சினவாள் உருவி - எனக்கருதிக் கோபத்தோடு
வாள்களை உருவி; வன்கை துணித்தும் என - (அரக்கனின்) வலிய |