பொரு இலோய் - ஒப்பில்லாதவனே! ஏகநின்ற நெறி எல்லை கடிது
ஏறி - இக்காட்டில் செல்ல வேண்டிய வழியின் முடிவை விரைவில் இவன்மீது
ஏறி, இனிதின் போகல்நன்று என நினைந்தனென் - இனிதாகச்
செல்லுதல் நல்லது என்று எண்ணினேன்; இவன் சாகல்இன்று பொருள்
அன்று - (விராதனாம்) இவன் இறப்பது இன்று நமக்கு அரிய செயல் அன்று,
எனநகும் தகைமையோன் - என எள்ளல் குறிப்போடு கூறிய இராமன்;
விராதன் விழ - அவ்வரக்கன் கீழே விழ; வேக வெங்கழலின் உந்தலும்-
வேகமாகத் தன் வலிய வீரக்கழல் அணிந்த திருவடியால் உதைக்கவும் ஏ -
ஈற்றசை. ‘நாம் செல்லக் கருதிய வழியாகஇவ்வரக்கன் செல்வதால் வருத்தமின்றி
இனிது நடக்கக் கருதினேன். இவனைக் கொல்வது அரிதன்று’என எள்ளற்
சிரிப்புடன் இராமன் கூறியது முன் செய்யுளில் இலக்குவன் ‘தேவிதுயர்கூர
விளையாடல்தொழிலோ’ என்ற கேள்விக்குரிய விடையாய் உளது.
வெங்கழல் - அடியார் விரும்பும் திருவடிஎனலாம். சாகல் - சாதல்
பொருவிலோய் எனக் கொண்டு போர் செய்யும் வில்லை உடையோய்
எனவும் கொள்வர். 41 விராதனைப் புதைக்க அவன் சாபம் நீங்கி விண்ணில் தோன்றல் | 2558. | தோள் இரண்டும் வடி வாள்கொடு
துணித்து, விசையால்
மீளி மொய்ம்பினர் குதித்தலும்,
வெகுண்டு, புருவத்
தேள் இரண்டும் நெரிய, சினவு
செங் கண் அரவக்
கோள் இரண்டு சுடரும்
தொடர்வதின் குறுகலும் |
மீளி மொய்ம்பினர் - வலிய தோளுடைய இராமலக்குவர்; விசையால்
வெகுண்டு வடிவாள் கொடு தோள் இரண்டும் துணித்து -வேகத்தோடு
சினந்து தம் வடித்த கூரிய வாளைக் கொண்டு அரக்கனின் இரு
தோள்களையும்வெட்டி; குதித்தலும் - கீழே தாவிக் குதித்தலும்; புருவத்
தேள் இரண்டும் நெரிய -(விராதனின்) புருவமாகிய தேள் இரண்டும்
நெரியும்படி சினந்து; சினவு செங்கண்அரவக்கோள் - கோபத்தால் சிவந்த
கண்களை உடைய இராகு எனும் கிரகம்; இரண்டு சுடரும்தொடர்வதின்
குறுகலும் - சந்திரன் சூரியன் எனும் இரண்டு சுடர்களையும் பற்றத்
தொடர்வதுபோல நெருங்கி வரலும், மீளி மொய்ம்பினர் - கூற்றுவன் போலவலிமையுடையவர் எனலுமாம்.
கொடுக்கும், அடர்ந்த பலகாலும் கொண்ட தேளைப் புருவமாக உருவகம்
செய்யப் பெற்றுள்ளது, விராதன் இராகு போல இராமலக்குவர் எனும் இரு
சுடர்களைப் பற்ற வரும்உவமை புராண மரபில் புனையப்பட்டுள்ளது. இது
இல்பொருளுவமை. 42 |