அரக்க வீரர் மடிய, சூர்ப்பணகை கரனிடம் ஓடுதல்

    கால வெந் தீ அன்ன - கொடிய ஊழிக் காலத்துத் தீயைப் போன்ற;
காட்சியார் - தோற்றத்தையுடையவர்களாகிய அந்த அரக்கர்களின்;
மழுவும் - மழுவென்னும் ஆயுதத்தையும்; வாளும் - வாள்களையும்;
வயங்கு ஒளி - விளங்குகின்ற ஒளியுடைய; முச் சிகைக் கழுவும் -
முத்தலைகளையுடைய சூலங்களையும்; எழுவின் நீள் தடக்கை
எழுநான்கையும் - (இவ்வாறான படைக்கலங்களை ஏந்திய) - தூண்களைப்
போன்று நீண்ட பெரிய கைகள் இருபத்தெட்டையும்; தழுவும் வாளிகளால்
- குறி தவறாமல் தாக்கும் அம்புகளால்; தலம் சார்த்தினான் - துணித்துத்
தரையில் வீழ்த்தினான்.

     அப் பதினான்கு அரக்க வீரர்களின் கைகளையும் இராமன் தன்
அம்புகளால் துண்டித்துத் தரையிலே தள்ளினான் என்பதாம். போரின்
தொடக்கத்திலேயே பதினான்கு அரக்கர்களும் தம் படைகளுடன் கைகளை
இழந்தனர் என்பது.                                          19

    நெடு வாளொடு - நீண்ட வாள்களோடு; தோள் - தங்கள்
தோள்கள்; மரங்கள்போல் விழ - மரங்கள் வெட்டப்பட்டுக் கீழே விழுவது
போலத் துணிபட்டு வீழ்ந்தபின்பும்; உரங்களான் அடர்ந்தார் -
(பொருட்படுத்தாமல் மேலும்) அந்தப் படைத் தலைவர்கள் மார்பின் வலிமை
கொண்டு தாக்கிப் போர் செய்தனர்; உரவோன் விடும் சரங்கள் -
வலிமையுள்ள இராமன் அவர்கள்மேல் எய்த அம்புகள்; ஓடின தைக்க -
விரைவாகச் சென்று பாய்தலால்; அரக்கர்தம் சிரங்கள் -
அவ்வரக்கர்களுடைய தலைகள்;