புண்ணிடைப் பொழி உயிர்ப் புனல் பொலிந்து வரவும் - உடலிற்
பட்ட புண்களிலிருந்து பெருகிய இரத்த வெள்ளம் விளங்கி ஓடவும்;
விண்ணிடைப்படர்தல் விட்டு - வானில் செல்வதைத் தவிர்த்து; எழு
விகற்பம் நினையா - அவன்எழுந்து செல்லும் மாறுபாட்டை நினைத்து;
எண்ணுடைக் குரிசில் எண்ணி - எண்ணத்தில்சிறந்த இராமன் உணர்ந்து;
இளையோய்! - தம்பி!; இவனை இம் மண்ணிடைக் கடிதுபொத்துதல்
வழக்கு - இவ்வரக்கனை இந்த நிலத்தில் விரைவாக மூடுதல் வழக்கு;
எனலுமே -என்ற அளவில்; ஏ - ஈற்றசை.

     உயிர்ப்புனல் உயிர் இருப்பதற்காக உடலில் ஓடும் இரத்தம். விராதன்
படைகளால்இறவாததால் மண்ணில் புதைத்தலை இராமன் கூறினான்.
குரிசில் - பெருமையிற் சிறந்தவன்,ஆண்பால் சிறப்புப் பெயர்.         43

    நவை தீர் அதவம் ஆய் நறுநெய் உண்டு - குற்றமற்ற
அத்திக்கட்டையால் செய்த அகப்பை கொண்டு பெய்த நறு மண நெய்யை
உண்டு; உலகில்அன்பர் கருதிற்று உதவு சேவடியினால் - உலகத்தில்
அடியவர் நினைத்தவற்றை அருளும் சிவந்ததன் திருப்பாதத்தால்;
அமலன் - தூயவனான இராமன்; உந்துதலும் - உதைத்துத்தள்ளவும்;
நல்மத யானை அனையான் - சிறந்த மதம் கொண்ட யானை போன்ற
இலக்குவன்; நளிநீர் உலாவு நதம்வயின் - மிகுந்த நீர் பாயும் மேற்கு
நோக்கி ஓடும் ஆற்றின்அருகில்; நிலம் வகிர்ந்த குழிவாய் - மண்ணில்
தோண்டிய குழியில்; அழுந்த - பதிய; ஏ - ஈற்றசை.