பெயரத் தேர், யானை, குதிரை என்னும் முப்படைகளும் பின்னே
பெயர்த்தன என்பது கூறப்பட்டது. தார் - கிண்கிணிமாலை. அதனைப்
பூண்ட குதிரை என்க. 33 கரன் படையினர் ஏந்திய போர்க் கருவிகள் | 2908. | மழுக்களும், அயில்களும்,
வயிர வாள்களும்,
எழுக்களும், தோமரத்
தொகையும், ஈட்டியும்,
முழுக் கலும், முசுண்டியும்,
தண்டும், முத் தலைக்
கழுக்களும், உலக்கையும்,
கால பாசமும். |
மழுக்களும் - எரியிரும்பு ஆயுதங்களும்; அயில்களும் -
வேற்படைகளும்; வயிர வாள்களும் - உறுதியான வாட் படைகளும்;
எழுக்களும் - குத்துக் கோல்களும்; தோமரத் தொகையும் -
ஏறியீட்டிகளின் தொகுதியும்; ஈட்டியும் - பெரிய ஈட்டிகளும்; முழுக்கலும்
- முழுக் கற்களான கவண் கற்களும்; முசுண்டியும் - முசுண்டியென்னும்
சிறுவாள்களும்; தண்டும் - தண்டாயுதமாகிய கதைகளும்; முத்தலை
கழுக்களும் - மூன்று தலைகளையுடைய சூலங்களும்; உலக்கையும் -
உலக்கைகளும்; கால பாசமும் - கால பாசமாகிய சுருக்குக் கயிறுகளும். முசுண்டி - சிறுவாள் 2908, 2909, 2910 ஆகிய மூன்று செய்யுட்கள்
படையினர் எடுத்துச் சென்ற படைக் கருவிகளைக் கூறும். 34 | 2909. | குந்தமும், குலிசமும்,
கோலும், பாலமும்,
அந்தம் இல் சாபமும்,
சரமும், ஆழியும்,
வெந் தொழில் வலயமும்,
விளங்கு சங்கமும்
பந்தமும், கப்பணப்
படையும், பாசமும், |
குந்தமும் - சிறிய ஈட்டிகளும்; குலிசமும் - வச்சிரப் படைகளும்;
கோலும் - தடிகளும்; பாலமும் - பிண்டிபாலமென்னும் முறுக்குத்
தடிகளும்; அந்தம் இல் சாபமும் - அளவில்லாத விற்களும்; சரமும் -
அம்புகளும்; ஆழியும் - சக்கரப் படைகளும்; வெந் தொழில் வலயமும் -
கொடிய தொழிலையுடைய வளையங்களும்; விளங்கு சங்கமும் -
வெண்ணிறமாக விளங்கும் சங்குகளும்; பந்தமும் - தீப் பந்தங்களும்;
கப்பணப் படையும் - கப்பணமென்னும் ஆயுதங்களும்; பாசமும் -
கயிறுகளும்-; |