உலகத்தையே; விழுங்கும் வாயினர் - விழுங்கக் கூடிய பெரிய
வாயையுடையவர்களும்; தீ எரி விழியினர் - நெருப்பு மூண்டெழுகின்ற
கண்களையுடையவர்களும் ஆகிய; பதின்மரோடு அடுத்த நால்வர் நிருதர்-
பதினான்கு அரக்க வீரர்கள்; சேனையின் நாயகர் - அச் சேனைக்குத்
தலைவர்களாவார்கள்; ஏ - ஈற்றசை. 'மாயிரு ...... வாயினர்' - உயர்வு நவிற்சியணி மற்றவை - தன்மை
நவிற்சியணி. இங்கே கூறிய படைத்தலைவர், முன்பு இராமனது அம்பால் இறந்த
(2894) படைத் தலைவர் பதினால்வரின் வேறாவர்; மாஇரு - ஒரு பொருட்
பன்மொழி. 37 | 2912. | ஆறினோடு ஆயிரம்
அமைந்த ஆயிரம்
கூறின ஒரு படை;
குறித்த அப் படை
ஏறின ஏழினது
இரட்டி என்பரால்-
ஊறின சேனையின்
தொகுதி உன்னுவார். |
ஊறின சேனையின் தொகுதி உன்னுவார் - (வலிமையில்) ஊன்றிய
படையின் தொகையை எண்ணிக் கணக்கிடுபவர்; கூறின ஒரு படை - முன்
சொல்லிய சேனைகளுள் ஒரு சேனை; ஆறினோடு ஆயிரம் அமைந்த
ஆயிரம் - அறுபது இலட்சமாகும்; குறித்த அப்படை - அவ்வாறு
கணக்கிடப்பட்ட அந்தப் படைகளின்; ஏழினது இரட்டி ஏறின - ஏழின்
இரு மடங்காகப் பெருக்கப்பட்ட பதினான்காகும்; என்பர் - என்று கூறுவர். ஆல் : அசை ஆறினால் பெருக்கிய, ஆயிரத்தால் பெருக்கிய
ஆயிரம் எனக் கொள்க. அங்குப் போருக்கு வந்த படை ஒன்றுக்கு அறுபது
இலட்சம் கொண்ட பதினான்கு படைகள் இருந்தன என்பது. 38 | 2913. | உரத்தினர்; உரும் என
உரறும் வாயினர்;
கரத்து எறி படையினர்;
கமலத்தோன் தரும்
வரத்தினர்; மலை என,
மழை துயின்று எழு
சிரத்தினர்; தருக்கினர்;
செருக்கும் சிந்தையார். |
|