எழுவரோடு எழுவர் ஆம் தலைவர் - பதினால்வராகிய அந்தச்
சேனைத் தலைவர்கள்; உலகம் ஏழொடு ஏழ் தழுவிய வென்றியர் -
பதினான்கு உலகங்களிலும் பொருந்திய வெற்றியையுடையவர்கள்; தானையர்
- பெரும்படையுடையவர்கள்; மழுவினர் - மழுவையுடையவர்கள்;
வாளினர் - வாளைத் தாங்கியவர்கள்; வயங்கு சூலத்தர் - விளங்கும்
சூலத்தையுடையவர்கள்; உழுவையோடு அரி என - புலியும் சிங்கமும்
போல; உடற்றும் சீற்றத்தார் - (பிறவுயிரை) வருத்தும் சினமுடையவர்கள்.

     இங்குக் கூறப்பெற்ற பதினான்கு தானைத் தலைவர் வேறு; முன்பு
போரில் மடிந்தவர் வேறு;                                      49

    வில்லினர் - வில்லையுடையவர்களும்; வாளினர் - உடை
வாளையுடையவர்களும்; இதழின் மீது இடும் பல்லினர் - உதடுகளின்
மேல் வைத்து ஊன்றும் பற்களையுடையவர்களும்; மேருவை பறிக்கும்
ஆற்றலர் - மகா மேருமலையையும் பறித்தெடுக்கக் கூடிய
வல்லமையுடையவர்களும்; புரவித் தேரினர் - குதிரைகள் பூட்டப் பெற்ற
தேரினையுடையவர்கள்; சொல்லின முடிக்குறும் - (தாம்)
சொல்லியவற்றைச் சொன்னவாறே செய்து முடிக்கவல்ல; துணிவின்
நெஞ்சினர் - வலிமையுள்ள மனமுடையவர்களுமான அவர்கள்; திசை
தொறும் புல்லினர் - எல்லாத் திக்குகளிலும் வந்து சூழ்ந்து நின்றார்கள்.

     இதழின் மிதிடும் பல்லினர் என்பது சினத்தின் மெய்ப்பாடு.       50