வீரர்களுள் சிறந்த வலிமையுடைய வீரனே; செப்பு வென் - நான் ஒரு செய்தியைச் சொல்லுவேன் (கேட்பாயாக); செருவில் சால வெவ்வியர் ஆதல் நன்று - 'போரில் மிகக் கடுமையுடையவராக இருப்பது இயல்பாக நல்லதுதான் (ஆனாலும்); இவ்வயின் - இந்த இடத்தில் (இப்பொழுது); தீய நிமித்தம் உள ஆம் - அழிவைக் காட்டிடும் தீய அறிகுறிகள் உண்டாகின்றன; என்று - என்று சொல்லி; இயம்பல் உற்றான் - (அக் கொடிய நிமித்தங்களைக் குறித்து) விரிவாகக் கூறத் தொடங்கினான்; ஏ - அசை. நூல் தெரிந்தவன் என்பது தோன்ற அகம்பனை 'அமைந்த கல்விச் செவ்வியான்' என்றார். அகம்பன் - போரில் சலனம் (நடுக்கம்) இல்லாதவன். நிமித்தம் - பின்னே வரும் பயன்களை முன்னே அறிவிக்கும் குறி, உற்பாதமாகும். 69 கலிநிலைத் துறை | 2944. | 'குருதி மா மழை சொரிந்தன, மேகங்கள் குமுறி; பருதி வானவன் ஊர் வளைப் புண்டது; பாராய்,- கருது வீர!- நின் கொடிமிசைக் காக்கையின் கணங்கள் பொருது வீழ்வன, புலம்புவ, நிலம் படப் புரள்வ; |
வீர - வீரனே!; மேகங்கள் குமுறி - மேகங்கள் முழங்கி; குருதி மா மழை சொரிந்தன - மிக்க இரத்த மழையைப் பொழிந்தன; பருதி வானவன் - சூரியனை; ஊர் வளைப்புண்டது - பரிவேடம் சூழ்ந்து கொண்டது; பாராய் - (அவற்றை) பார்ப்பாய்; காக்கையின் கணங்கள் - காக்கைக் கூட்டங்கள்; நின் கொடி மிசை - உன் கொடியின் மேல்; பொருது வீழ்வன - சண்டையிட்டுக் கீழே விழுவனவாய்; புலம்புவ - கதறியழுது கொண்டு; நிலம்படப் புரள்வ - தரையில் விழுந்து புரளுகின்ற; கருது - (இதனை நீ) மனத்திற் கொள்வாய்; மேகங்கள் குமுறி, இரத்த மழை பொழிதலும், சூரியனைப் பரிவட்டம் சூழ்தலும், கொடி மேல் காக்கைக் கூட்டங்கள் சண்டையிட்டுப் புலம்பி நிலத்தில் புரளுதலும் ஆகிய தீ நிமித்தங்களைக் கரனுக்கு அகம்பன் சொன்னான் என்பது. ஊர் - பரிவட்டம் : சூரியனைச் சுற்றித் தோன்றும் வட்டம். 70 | 2945. | 'வாளின் வாய்களை ஈ வளைக்கின்றன; வயவர் தோளும் நாட்டமும் இடம் துடிக்கின்றன; தூங்கி, |
|