ஆற்றின் உள்ளிடம் போலவும் காணப்படும் தோற்றத்தையுண்டாக்க, இராம பாணங்கள் மழை போலப் பெய்து இரத்தப் பெருக்கையுண்டாக்கி, அந்த ஏரிகளையும் யாறுகளையும் நிரப்பின என்பது. தொடர்புயர்வு நவிற்சியணி. மழை பெய்து ஆறு ஏரி நிரம்புமாதலின் அது கணை மழையாகக் கூறப்பெற்றது. 83 | 2958. | அலை மிதந்தன குருதியின் பெருங் கடல், அரக்கர் தலை மிதந்தன; நெடுந் தடி மிதந்தன; தடக் கைம்- மலை மிதந்தன; வாம் பரி மிதந்தன; வயப் போர்ச் சிலை மிதந்தன; மிதந்தன, கொடி நெடுந் தேர்கள். |
(அப்பொழுது) அலை மிதந்தன - அலைகள் பொங்கி மேலெழுந்தனவாயின; குருதியின் பெருங்கடல் - அந்தப் பெரிய இரத்தக் கடலில்; அரக்கர் தலை மிதந்தன - அரக்கர்களின் தலைகள் மிதந்தன; நெடுந்தடி மிதந்தன - பெரிய தசைத் துண்டுகள் மிதந்தன, தடக்கைம் மலை மிதந்தன - பெரிய துதிக்கைகளையுடைய யானைகள் மிதந்தன; வாம் பரி மிதந்தன - தாவிச் செல்லும் குதிரைகள் மிதந்தன; வயப் போர்ச் சிலை மிதந்தன - வலிய போருக்குரிய விற்கள் மிதந்தன; கொடி நெடுந் தேர்கள் மிதந்தன - கொடிகளோடு நீண்ட தேர்கள் மிதந்தன. அந்தப் போரில் இராமனின் கூரிய அம்புகள் உண்டாக்கிய இரத்தக் கடலில் அரக்கர் தலைகள் முதலாயின மிதந்தன என்பது. தும்பிக்கையுடைய யானையைக் கைம்மலை என்றார். மிதந்தன : சொற்பின்வருநிலையணி. 84 | 2959. | ஆய காலையில், அனல் விழித்து ஆர்த்து இகல் அரக்கர், தீய வார் கணை முதலிய தெறு சினப் படைகள், மேய மால் வரை ஒன்றினை வளைத்தன மேகம் தூய தாரைகள் சொரிவன ஆம் என, சொரிந்தார். |
ஆய காலையில் - அவ்வாறானபோது; இகல் அரக்கர் - வலிமையுடைய அரக்கர் (பலர்); அனல் விழித்து - நெருப்புப் பொறி சிதறக் கோபத்தோடு விழித்துப் பார்த்து; ஆர்த்து - ஆர்ப்பரித்து; மேய மால் வரை ஒன்றினை - நிலைபொருந்திய பெரிய மலையொன்றினை; வளைத்தன |