பக்கம் எண் :

308ஆரணிய காண்டம்

     இரத்த நதிகள் பெருகுமாறு அரக்கர்களின் மார்புகளை ஊடுருவிச்
சென்ற இராம பாணங்கள் மண்மேலன, மலை மேலன, மழை மேலன, விண்
மேலன, வேலையின் மேல் கீழனவாக அமைந்தன என்பது.

     இச் செய்யுள் இராமனின் அம்புகள் பகைவர் தம் உடல்களை
ஊடுருவிச் சென்ற வேகத்தின் மிகுதியை விளக்கும். அரக்கர்கள்
மார்புகளுக்கு மேருமலை ஒப்பு - அதன் திண்மையும் பெருமையும் பற்றி.
அரக்கர் மார்பு பொழியும் குருதிக்கு மலையருவி நிகர்.              92

2967.பொலந் தாரினர், அனலின் சிகை
     பொழி கண்ணினர், எவரும்
வலம் தாங்கிய வடி வெம் படை
     விடுவார், சர மழையால்
உலந்தார்; உடல் கடலோடு உற,
     உலவா உடல் உற்றார்;
'அலந்தார் நிசிசரர் ஆம்' என,
     இமையோர் எடுத்து ஆர்த்தார்.

    பொலம் தாரினர் - அழகிய மாலையணிந்தவர்களும்; அனலின்
சிகை பொழி கண்ணினர் -
நெருப்பின் சுடர்களைச் சிந்துகின்ற
கண்களையுடையவர்களும்; வலம் தாங்கிய - வலிமை கொண்ட; வடி
வெம் படை விடுவார் எவரும் -
கூரிய கொடிய போர்க் கருவிகளை
இராமன் மேல் விடுபவர்களான அரக்கர்கள் யாவரும்; சர மழையால்
உலந்தார் -
(இராமன் எய்த) அம்பு மழையால் இறந்தனர்; உடல்
கடலோடு உற -
அவ்வாறு இறந்தோர் தம் உடல்கள் கடலோடு போய்ச்
சேர; உலவா உடல் உற்றார் - (பின்) அழியாத தேவ உடலைப்
பெற்றார்கள்; இமையோர் - (அதனால்) தேவர்கள்; நிசிசரர் அலந்தார்
ஆம் என ஆர்த்தார் -
அரக்கர்கள் அழிந்தார்களென்று மகிழ்ச்சியால்
ஆரவாரம் செய்தார்கள்.

     நிசிசரர் - அரக்கர் : இரவில் சஞ்சரிப்பவர்.                  93

2968. ஈரல் செறி கமலத்தன, இரதத்
     திரள் புளினம்,
வீரக் கரி முதலைக் குலம்,
     மிதக்கின்றன உதிக்கும்
பாரக் குடர் மிடை பாசடை
     படர்கின்றன பலவா,
மூரித் திரை உதிரக் குளம் முழுகிக்
     கழுது எழுமே.

    ஈரல் செறி கமலத்தன - (இறந்த அரக்கர்களின்) ஈரல்களாகிய
நிறைந்த தாமரை மலர்களையுடையவையும்; இரதம் திரள் புளினம் -
தேர்களாகிய