இராமனும் கரனது அம்பு வாங்கும் வலக் கையை ஓர் அம்பினால்
தோளோடும் வீழ்த்தினான் என்பது. தூங்குதல் - தொங்குதல்; வாங்குதல் -
வெளியே எடுத்தல்.                                          182

    வலக்கை வீழ்தலும் - (தனது) வலக்கை வெட்டுண்டு கீழே
விழுந்தவுடனே; மற்றைக் கையால் - (கரன்) இடக் கையினால்; வெற்றி
உலக்கை - வெற்றி தரக் கூடிய உலக்கையை; வானத்து உரும் என -
மேகத்தினிடையே தோன்றும் இடியைப் போல; ஓச்சினான் - உயரே
எடுத்து (இராமன் மேல்) வீசினான்; இலக்குவற்கு முன் வந்த இராமனும் -
இலக்குவனுக்கு முன்னே பிறந்த இராமனும்; ஒரு வெம் கதிர் வாளியால் -
கொடிய ஒளியுடைய ஓர் அம்பினால்; விலக்கினான் - (தன் மேல்
படாதவாறு) தடுத்து விலக்கினான்.

     வலக் கையை இழந்த கரன் இடக்கையால் உலக்கையை இராமன்
மேல் எறிய, அவ் இராமனும் ஓர் அம்பினால் அதைத் தடுத்தான் என்பது.
இலக்குவற்கு முன் வந்த இராமன் : இரட்டுற மொழிதலால் இலக்குவனுக்கு
முன்னே பிறந்த இராமன் எனவும், போர்க்கெழுந்த இலக்குவனைத் தடுத்து
அவனுக்கு முன்னே வந்த இராமன் எனவும் பொருள் கொள்ளலாம்.    183

    விராவரும் - பொருந்தியுள்ள; கடு வெள் எயிறு - விடத்தையுடைய
தன் வெண்மையான பற்கள்; இற்றபின் - முறிபட்ட பின்பு; அரா
அழன்றது அனைய - நாகப் பாம்பு சீறியதைப் போன்ற; தன் ஆற்றலால்-
தனது வல்லமையால்; மராமரம் கையில் வாங்கி - (கரன்) ஒரு
மராமரத்தைக் கையிலே எடுத்துக் கொண்டு; வந்து எய்தினான் -
(இராமனருகே)