(ஆதலால்) மிகவும் கொடியவளாவேன்; என்று போயினாள் - என்று
புலம்பிக் கொண்டு அந்த இடத்தைவிட்டுச் சென்றாள். நான் இராமன்பால் ஆசை வைத்தேன்; அத் தகாத ஆசை
என்னுடைய மூக்கு ஆகியவற்றைப் போக்கிற்று; அதனால் நாணமுற்று
எனது உயிரைப் போக்கியிருக்க வேண்டும்; ஆனால், அவ்வாறு
இறந்திடாமல் 'எம்மவரே' இராமலக்குவரின் உயிரைப் போக்குங்கள் என்று
உங்களை ஏவி, உங்கள் செல்வ வாழ்வையும், உயிர் வாழ்க்கையையும்
ஒழிக்கக் காரணமானேன்; ஆகையால் நான் கொடியவள்' என்று தன்னை
நொந்தவாறு சூர்ப்பணகை சென்றாள் என்பது. 191 | 3066. | அலங்கல் வேற் கை
அரக்கரை ஆசு அறக்
குலங்கள் வேர் அறுப்பான்
குறித்தாள், உயிர்
கலங்கு சூறை வன் போர்
நெடுங் கால் என,
இலங்கை மா நகர் நொய்தின்
சென்று எய்தினாள். |
அலங்கல் வேற் கை அரக்கரை - வெற்றி மாலையணிந்த வேலைக்
கையிலே கொண்ட அரக்கர்களை; குலங்கள் ஆசு அற வேர் அறுப்பான்-
குலங்கள் அடியோடு ஒழிய வேரறுக்கும் பொருட்டு; குறித்தாள் -
எண்ணினவளாய் (சூர்ப்பணகை); உயிர் கலங்கு வன் போர் சூறை நெடுங்
கால் என - உலகத்து உயிர்கள் கலங்கியழிதற்குக் காரணமான
வன்மையாகத் தாக்கும் பெரிய சூறாவளியைப் போல; நொய்தின் சென்று -
விரைவாகச் சென்று; இலங்கை மா நகர் எய்தினாள் - இலங்கை மாநகரை
அடைந்தாள். சூர்ப்பணகை இலங்கை சென்று, சீதையைத் தான் கவரத்
தொடங்கியது முதல் கரன் முதலியோர் சேனையோடும் மடிந்தமை
ஈறாகவுள்ள செய்திகளைக் கூறுதல் - உடனே இராவணன் வந்து
சீதையையெடுத்துப் போதற்கும் அது இராவணன் முதலான அரக்கர்களின்
நாசத்திற்கும் காரணமாதல் பற்றி இவள் சென்று செய்தி கூறக் கருதுவதை
மற்றை யரக்கரையும் அழிக்கக் கருதியதாக நினைந்து, அரக்கரை ஆசறக்
குலங்கள் வேரறுப்பான் குறித்தாள்' என்றார். தற்குறிப்பேற்றவணி. 192 |